ALBISTEAK

Repsol Fundazioa eta Blanca Marsillach-en Konpainia Bizkaira itzuli dira Antzerki Egokituaren Tailerrarekin

Repsol Fundazioa eta Blanca Marsillach-en Antzerki Konpainia ondoz ondoko hamargarren urtez elkartu dira, desgaitasuna duten pertsonei zuzendutako Antzerki Egokituaren Tailerra antolatzeko. Edizio honetarako aukeratu duten antzezlana, Adolfo Marsillach-en “Se vende ático” da, Xabier Olzak egokitu eta zuzendutakoa. Jatorrizko moldaketa izango da, komikoa, freskoa eta, batez ere, parte-hartze bidezkoa, eta Gurutzetako Auzo Etxean (Barakaldo) taularatuko da maiatzaren 28an, goizeko 11:00etan.
17 Api 2019
ALBISTEAK

Euskal zinemaren zikloa, bere azken txanpan

Petronorrek babestutako ‘68aren ostean’ erakusketa dela-eta Bilboko Arte Ederretako Museoko auditorioan egiten ari den euskal zinemaren bost hamarkadari buruzko atzera begirakoa azken txanpan dago jada, hilarekin amaituko baita. Honakoan ‘Lasa y Zabala’ (Pablo Malo, 2014), ‘Amama’ (Asier Altuna, 2015) eta ‘Cien años de perdón’ (Daniel Calparsoro, 2016) jarriko ditu ikusgai. Lehena, 18an 17:30etan eta 19an 19:30etan; bigarrena, 18an 19:45etan eta 19an 17:30etan; eta hirugarrena, 21ean 17:30etan eta 19:30etan.
15 Api 2019
ALBISTEAK

Bentzeno isuriak direla-eta Petronorri egindako ikerketa artxibatu du Fiskaltzak

2018ko azaroaren 8 eta 9ko bentzeno isuriak gehienezko isuri-esposiziotik gertukoak zirelakoan Meatzaldea Bizirik taldeak jarritako salaketa baten ondoriozko Ikerketa-Eginbideak artxibatu egin ditu Bizkaiko Lurraldeko Fiskaltzak. Izan ere, administrazioak osasun publikoa babesteko ezarritako baremoekiko Fiskaltzak ez du Petronorren aldetik inolako hausterik atzematen eta ikerketa artxibatzea erabaki du.
12 Api 2019
ALBISTEAK

Bi film oso ezberdin euskal zinemaren zikloan

‘Negociador’ (Borja Cobeaga, 2014) eta ‘Loreak’ (Jon Garaño eta José Mari Goenaga, 2014) izango dira apirilaren 12 eta 14an euskal zinemaren zikloak eskainiko dituen filmak. Honakoa Bilboko Arte Ederretako Museoko auditorioan ari da egiten, Petronorrek babestutako ‘68aren ostean’ erakusketaren inguruan. Lehena 17:30etan emango dute barikuan, eta 19:30 domekan; eta bigarrena, alderantziz.
10 Api 2019
ALBISTEAK
1 … 116 117 118 119 120 121 122 123 124 125 126 … 405