ALBISTEAK

Eguzki-energia fotovoltaikoko Euskadiko proiekturik handiena aurkeztu da astelehen honetan Gasteizen. Energiaren Euskal Erakundea eta KREAN taldea dira bultzatzaileak, eta bazkideen artekoa da Petronor. Ekian izeneko eguzki-parkea Erribera Beitiko (Araba) Arasur industrialdean eta plataforma logistikoan kokatuko da, eta 24 MWpikoko instalatutako potentzia izango du. Horrek Euskadiren egungo ahalmena bikoiztuko du eta urrats nabarmena izango da Eusko Jaurlaritzaren Energia Estrategiaren helburuen baitan 2030. urterako energia elektriko berriztagarrien mailako helburuak betetzeko.

Petronorrek babestutako ‘68aren ostean’ erakusketa dela-eta Bilboko Arte Ederretako Museoa egiten ari den euskal zinemaren bost hamarkadako atzera begirako zikloan hiru lan proiektatuko dira otsailaren 1ean (17:30etan) eta 3an (19:45etan): ‘Estado de excepción’ (Iñaki Núñez, 1976), ‘Escena de amor y guerra’ (Jon Bernat Heinink, 1982) eta ‘Euskal Herri-Musika’ (Fernando Larruquert, 1978).

XXI. mendeko hirietan munduko biztanleriaren % 55etik gora bizi da eta bertan metatzen dira jarduera ekonomiko gehienak. Ondorioz, munduko baliabideen eta energiaren zati handi bat hirietan kontsumitzen da. Hortaz, hirien hazkuntza dela medio, pertsonen eta salgaien mugikortasuna hiriek aurrean duten erronkarik garrantzitsuenetako bat bihurtu da. Testuinguru honetan, Bilboko Udalak eta Petronorrek SUM Bilbao 19, Bilbao hiri-mugikortasun jasangarriaren munduko hiriburu bihurtuko duen biltzarra, antolatu dute.

Hiru film dakartza honakoan ikusgai euskal zinemaren bost hamarkadari buruzko zikloak, Antton Merikaetxebarriaren ‘Ikuska 3’, José Mari Zabalaren ‘Axut’ eta Víctor Ericeren ‘El espíritu de la colmena’. Urtarrilaren 25 eta 27an dira ematekoak, Bilboko Arte Ederren Museoko auditorioan.

Petronorrek eta Bilboko Udalak SUM Bilbao 2019 biltzarra antolatuko dute otsailaren 20an eta 21ean, Euskalduna Jauregian. Nazioarteko ekitaldia da, mugikortasunaren etorkizunari eta horrek XXI. mendeko hirietan Garapen Iraunkorrerako Helburuak lortzeko duen eraginari buruzko mundu-mailako gogoetaren buru izateko sortu dena.