Findegia

Petronorrentzat segurtasuna eginbeharra da, ez betebeharra, lanean une oro kontuan hartu beharrekoa. Goizeko briefingak edo hitzaldiak prebentzio arloko jarrerak gogoratzeko eta segurtasunaren ikuspegitik Geldialdiaren egoera ezagutzeko une egokiak dira. Geldialdian parte hartzen duten 1.200 pertsonei iristeko biderik zuzenena dira, betiere argi utziz segurtasuna lehentasunezkoa eta negoziaezina dela eta langile guztiek itzuli behar dutela etxera Findegira iritsi ziren osasun-baldintza berberetan.

Petronorren Mantentze-Lanetako Elektrizitate Tailerrak 5S metodologiaren Diploma jaso du, etengabeko hobekuntzaren Euskadiko erreferentea den EUSKALIT erakundearen eskutik. Horrela, Tailerra da ziurtagiri hau lortu duen findegiko lehenengo arloa.

Petronorren geldialdiak Findegia eraginkorragoa bihurtzen laguntzen duten etengabeko berrikuntza eta hobekuntza prozesuak dira. Oraingoan, 40 enpresatako 1.100 pertsonak baino gehiagok lan egiten dute Geldialdian, eta honek eragin positiboa dauka ingurunean, izan ere, tamaina honetako mantentze-lanek okupazio maila handia ekartzen dute eskualdeko ostalaritza eta ostatu zerbitzu ia guztietan. Mikel San Vicente “Mugarri” Jatetxe eta Apartamentuen jabearen esanetan,  “sasoi honetan, bezero kopuruak gora egin eta apartamentuak beteta izan ohi ditugu. Horregatik, beste 5 gela dituen landetxea egiten ari gara hurrengo geldialdirako”.

Segurtasuna lehentasunezkoa eta negoziaezina da Petronorren, eta horren kariaz, nahitaezkoa da kontratisten eta Findegiko langileen artean egin beharreko lanen kudeaketa egokia egitea. Langileak prestatu behar dira, koordinazioari eutsiz eta informazioa zabalduz.

Maiatzaren 27an hasi zen Geldialdia Petronorren 1. Findegian, konpainiak dituen bi findegietako handienean. Instalazio honek Bilboko Portutik jasotzen du petrolio gordina eta konpainiaren beste unitate batzuei zerbitzua emateko prozesatzen du. Findegiaren bihotza da.

Kazetariek Petronor bisitatu dute Findegiaren instalazioak eta, bereziki, Geldialdi gunea ezagutzeko asmoz.

1. Findegia da Petronorrek dituen bi findegietako handiena, eta bertan egin beharreko geldialdiak 49 milioi euroko inbertsioa eragin du mantentze eta hobekuntza lanetarako. Kopuru horretatik, 27 milioi euro mantentze-lanetara eta instalazioak eguneratzera bideratuko dira, eta beste 22 milioi euro inbertsio eta hobekuntza teknologikoetara.