Archivo por autor

Petronorrek, Edinor filialaren bidez, Gipuzkoako tokiko lehen energia-komunitatean parte hartuko du, eta Zumarragako 200 etxek energia berriztagarria kontsumitzeko eta faktura elektrikoa merkeago izateko aukera izango dute. Gipuzkoako Foru Aldundiko Ingurumen Sailak sustatutako ekimenaren helburua lurraldeko energia-mendekotasuna murriztea, energia berriztagarrien erabilera sustatzea eta autokontsumoa bultzatzea da.

Mubil Gipuzkoako Mugikortasun Adimendun eta Jasangarriaren Zentroak ireki zituen ateak atzo Tolosako Usabal industrialdean, sektoreko enpresei zerbitzua eman eta Europa mailako erreferente bihurtzeko asmoz. Hiru urteren buruan Donostiara aldatuko da, Eskuzaitzetara, eta hor tamaina eta gaitasun handiagoak hartuko ditu.

SUM Bilbao Mugikortasunaren Nazioarteko Biltzarra antolatuko da datorren urriaren 6an eta 7an Bizkaiko hiriburuan. Ekitaldi horren baitan Petronorrek eta Bilboko Udalak Hiri-mugikortasun iraunkorragorantz deritzon Bilboko Adierazpena sinatu zuten. Guztira, 17 erakundek eta enpresak sinatu zuten hiri-mugikortasunaren arloko eredu iraunkorragoak eraiki eta trantsizio energetikoaren prozesua bultzatzea xede zuen ibilbide-orria.