ALBISTEAK

Petronorrek 25 instalazio-operadore behar ditu, eta enplegu-maila handia eta oso soldata lehiakorra dituen enplegu-poltsa batean sartuko ditu. Hauxe da izena emateko esteka: https://www.somorrostro.com/oppc. Epea ekainaren 13an (osteguna) itxiko da, 23:59an.

Petronorrek Jasangaritasunaren Hub-ari (ESG HUB) atxikitzkeo dokumentua sinatu du Abanto-Zierbenako Parke Teknologikoan (EIC). Ekimen hau Bilboko Merkataritza Ganberak eta BBK Fundazioak bultzatu dute, enpresa-sareari gero eta zorrotzagoa den araudia betetzeko eta enpresak jasangarriak izan daitezela esijitzen duen egungo gizartearen eskakizunei erantzuteko erronkan laguntzeko asmoz.

Txileko Petrolio Enpresa Nazionaleko kideak Muskizera etorri dira Petronorren jarduera ezagutzera, baita teknologia, industria eta jasangarritasuna oinarri dituen trantsizio energetikoaren aldeko apustuari eusten dioten egungo proiektu berriak ere.

Petronorrek, maiatzean egin beharreko geldialdiaren kariaz, aniztasunaren alde hartu duen konpromisoari buruzko karpa jarri du findegiko segurtasun-postuaren aurrean. Leku hau Petronorren pertsonekiko konpromisoa islatzen duen errespetuzko gunea da.

Petronorrek, berrikuntza, hezkuntzaren sustapena eta garapen teknologikoa bultzatzearen alde hartu duen konpromisoaren harira, robotika-tailerra antolatu du LEGO piezekin Askartza Isusi ikastetxeko eta Dolores Ibarruri Institutuko 46 ikaslerentzat, robotikarekiko jakin-mina nahiz energiaren sektorearekin lotutako STEM (Zientzia, Teknologia, Ingeniaritza eta Matematika) ikasketekiko interesa pizteko asmoz.