Jon Santacanak urrezko domina lortu du gaur, Migel Galindo gidariarekin batera, Sestrieren (Italian) eratzen ari den Minusbaliatuen Munduko Txapelketako Alpetar Eskiko super-erraldoi arloan. Aurretik jaitsiera-moldean zilarra lortua zuen donostiarrak sekulako marka erdietsi du, 1:19,20, Kanadako Chris Williamson eta Nicolas Berejny frantsesaren aurretik.
Petronorrek jakinerazi nahi du bihar urtarrilak 14, larunbatez, gasoila sulfuroz xahutzeko G4 unitatea geratzeari ekingo zaiola eta igandean, berriz, hilak 15, CG1 Kogenerazio unitatea gelditzeari, batean zein bestean mantenu-lanak egin ahal izateko, aurrez finkatutako programaren arabera.
Petronorrek jakinerazi nahi du bihar ostirala, arratsaldetik aurrera, CG6 Kogenerazio unitatea abian jartzeari ekingo zaiola, egin beharreko mantentze-lanak amaitu ostean, orain hurrengo urtarrilaren 5ean aditzera eman zen bezalaxe.
Eusko Jaurlaritzak erabat onetsi ditu Fueloila Murrizteko Unitateari dagozkion instalazioetan Petronorrek indarrean jarri dituen bi egitasmoak. Hain zuzen ere, onetsi ezezik saritu ere saritu ditu “koke unitatearen baitan ezarritako gas-konpresorearen abiada aldarazteko sistema mekanikoaren berrikuntza eta energia-eraginkortasuna” zein “goi mailako energia-errendimendua bideratzeko kogenerazio-instalazio berria”.
Energia eraginkortasuna, inbertsioei eustea eta C02 isurien murrizketa dira, besteak beste, Víctor Pérez de Gezuraga Petronorren zuzendari nagusiak 2011 urte urterako proposatzen dituen erronkarik nagusienak. Are gehiago kontuan izanik datorren urtean zehar indarrean jarriko dela, agindutako epez eta inbertsioz, Fueloila Murrizteko Unitatea.
Petronorren laborategia bisitatu du aste honetan Migel Gomez irakasleak, Kantabriako Unibertsitatearen Bide Ingeniaritzako Goi Eskola Teknikoaren Errepide eta Aireportu Laborategiko arduradunetakoak.
Jonathan Lastra eta Eneko Corrales Mendiz Mendi talde muskiztarraren txirrindulari gazteek sekulako garaipenak lortu berri dituzte hainbat nazioarteko ziklokross lasterketatan.
Francisco Leonardo San Martín laboratorio-analistak jaso du gaur Petronorrek urtero eman ohi duen segurtasun-saria. Gabonetako ekitaldian zehar Víctor Pérez de Gezuraga zuzendari nagusiak esan duenez gero, “Leonardoren lan-bizitza orbanbakoa da eta ez du batere istripurik izan 1983an gurekin lanari ekin zionetik hona”.
Maratoia bezain sendo, zindo eta mardul izan zen atzo Bilboko Euskalduna Jauregian eratu zen Petronorren urteroko koordinazio-batzarra. Hamaika txosten landutan zehar Findegiaren egungo egoerari zein etorkizuneko erronkei dagozkien gai zehatzak azaldu ziren.
