Datorren asteartean, urriak 20, beste mahai-inguru bat eratuko da Muskizko Meatzari Aretoan. Honako honetan euskal harrobi-futbolean betidanik garrantzi handia izan duen gai batez: “Futbol-atezaina, berebiziko berezigarritasuna”.
ALBISTEAK
Kamerak noiz negua helduko zain
Aurreko astean Findegira astiro-astiro heldu ziren bi koke-kamerak elkarrekin jarri dira, bata bestearen ondoan, alekako solido solteen biltegia eraikiko den larrainean, noiz lanek aurrera egingo zain.
Bi ordu gutxiago
Bigarren koke-kamera atzo iluntzean heldu zen Findegira, Santurtziko kaitik Muskizera bitarteko sei kilometroak “bizkor” samar gainditu ostean. Esperientzia onerako baino ez omen da eta, oraingo honetan behintzat horrelaxe izan zen, bigarren garraioaldian ordu bi gutxiago behar izan zuen-eta. Alegia, sei besterik ez.
Euskadi 5.0 Muskizen
Gonzalo Riancho alkateak inauguratu ditu gaur Euskadi 5.0 jardunaldiak, Petronor, Euskaltel, Renfe eta Eusko Jaurlaritzaren Hezkuntza Sailaren laguntzaz El Correo Digitalek Muskizen antolatu dituena.
Hesolak ateratzeari ekingo zaio
Petronorrek jakinerazi nahi du, URF egitasmoaren eraikuntza dela-eta egin beharreko lanen artean ezin besteko dela, besteak beste, aurretik sartutako hesolak ateratzea, batez ere 2. larrainean.
Astiro baina seguru
Bazkalostetik aurrera, aldez aurretik erabaki bezala, Bilboko Portutik Muskizko findegira garraiotzen ari dira Fueloila Murrizteko Egitasmoarentzat bereziki eraiki diren bi koke-kameretako bat. Batez beste, 43 m. luzeeraz eta 10 m. diametroz bakoitza.
Mantenua dela eta, SR4 Sufre Unitatearen geldialdia
Petronorrek jakinerazi nahi du, gaurtik aurrera, urriak 3, larunbata, eta aldez aurretik erabakitako mantenu-programari jarraiki, petrolio-gordina destilatzeko 1. Plantaren barrutian dagoen SR4 Sufre Unitatea geldiaraziko dela.
Bilboko Portura heldu dira koke-kamara biak
Atzo lehorreratu ziren Bilboko Portuko Punta Sollana kaian, URF (Fueloila Murrizteko Unitatea) egitasmoa dela eta Muskizko Findegian jasoko diren koke-kamarak (485 tonakoa bakoitza). Kamara biak Duro Felgueraren lantegietan eraiki dira, Asturiasen, Petronorren eskabidez. Itsasoratzea aurreko astelehenean izan zen, Xixongo El Musel portuan eta herenegun heldu ziren, gauerdian, Bilboko Portuaren kairaino
Eskuartze programatua 3. Zuziriaren lurrun-lerroan
Petronorrek jakinerazi nahi du gaur, urriaren 1ean, eskuartze programatuari ekingo zaiola 3. Plantako Zuziriaren konbustioa hobetzeko lurrun-lerroaren baitan.