Repsol.com Espainiako Internet ataririk onenatzat aukeratua izan da hirugarren aldiz, Cap Geminik garatutako Energia eta Internet enpresen sektorearen gaineko txostenaren arabera.
ALBISTEAK
La Arena eta beste hamaika hondartza kalitate-agirien jabe
La Arena eta beste hamaika hondartza dira, honez gero, kalitate eta ingurumen-kudeaketaz ISO 9001 eta ISO 14001 ziurtagiriak lortu dituzten hareatza bizkaitarrak. Agirion jabe ziren aurretik La Arena (Muskiz-Zierbena), Bakio, Laga eta Laida (Ibarrengelu), Karraspio (Mendexa), Arrietara-Atxabiribil (Sopela), Ogella (Ispaster), Isuntza (Lekeitio), Arrigorri (Ondarroa) eta Plentziako hondartzak; eta, udara honetatik aurrera, baita Getxoko Arrigunaga eta Ereaga ere.
Zierbenako Itsaski Azokak kokapen berria izango du
Zierbenako Portu auzoan eraikitzekoa den kiroldegiak erakarriko du bertako Itsaski Azoka lekuz aldatzea eta kokapen iraunkorraz jabetzea. Aurtengo azoka urriaren lehen asteburuan antolatuko da.
Muskiztik Nordkappera 23 egunetan
Zintzo-zintzo eta punttu-punttuan, agindu bezala, aurreko larunbat goizeko 10:15ean atera zen Findegi-ataritik hurrengo hamabi egunetan, eta sei mila kilometro inguruan zehar, Europako ipar muturreraino helduko den lagun-taldea. Muskizen bizi den Fernando Cervello sestaorraz gainera, abian dira honez gero Juan Manuel Rodríguez asturiarra, Ivan Falcón galiziarra eta Llibert Cañadas katalana. Alemanian elkartuko da eurekin Guillermo Fagnani argentinarra.
Repsol-ek Lehiaren Batzordearen aurkako helegitea aurkeztuko
Lehiaren Batzorde Nazionalak (CNC) Respol-i 5 milioi euroren isuna jartzea ebatzi du, ustez Zerbitzuguneetan prezioak zeharka finkatzeagatik. Repsol-ek CNCren ebazpenaren aurka helegitea aurkeztuko du funtsezko eskubideak urratu direla uste duelako eta hutsegite larria dela adierazi du.
Esleitua honez gero URF egitasmoaren %56a
“Une honetan, Muskiz, Abanto-Zierbena eta Zierbenako lanbako 29 dira URF egitasmoaren eraikuntzan lanean hasiak diren beharginak, eta guztiok nahi genuke kopuru hau gehitzea, langileon trebetasunaren zein kontratudun enpresek ezartzen dituzten eskakizunen arabera”. Honako hauek dira Josu Jon Imaz Petronorren lehendakariak herri-prentsari egindako adierazpenak.
Muskizko Udala eta Petronorren arteko hitzarmena
Forlan Muskizko Udalaren erakundeak eta Petronorrek gaur sinatu dute lanbide-orientazio eta trebakuntzari buruzko lankidetza-hitzarmena. Udalaren izenean Gonzalo Riancho alkateak sinatu du eta Petronorren ordezkari gisa, berriz, Josu Jon Imaz presidenteak, Victor Perez de Guezuraga Findegiaren zuzendari nagusia bertan zelarik.
EIB eta Petronorren arteko finantziazio-hitzarmena
Europako Inbertsio Bankuak (EIB) eta Petronorrek elkarrekin sinatu dute gaur 300 milioi euroren kreditua. Honako honen bitartez, EIBk Fuela Murrizteko Unitatearen (FMU) finantziazioaren zati handia bere bizkar hartu du. Hamar urteko mailegu finalista izango da, euriborrari atxikitako interes aldakorraz eta Repsolen bermeaz.
Gaur bertan ekin zaio berriro Athletic-Petronorren porraldiari
Azkenik, uztailaren 30ean jokatuko du Athleticek, San Mamesen, UEFA lehiaketan sailkatzeko lehen partida. Esan beharrik ere ez gero, Athletici opa diogula sekulako arrakastarik handiena hastear dagoen 2009-2010 denboraldirako. Hala ere, gogoratu dezagun Athletic-Petronorren porraldi berria gaur bertan hasi dela.