Petronorren Fueloila Murrizteko Unitatearen egitasmoari dagokion Ingurumen Baimen Osatuak agindu bezala, gaur jarri da indarrean San Julian auzoan aire-kalitatea neurtzeko sistema.
Antonio Brufau Repsolen presidenteak gaur goizean berretsi du taldearen inbertsio-erronka. Aldi berean, 2008-2012 Estrategia Plana zein ondo ari den betetzen azaldu du pozarren, bai eta Upstream lan-arloak azken urteotan izan duen garapen sakona azpimarratu ere. Haren mintzaldia Muñatones jauregian antolatutako topaketan zehar jazo da, Petronor findegiko zuzendari eta sail-arduradunekin izandako bilera-barruan.
Abanto-Zierbena, Muskiz eta Zierbena udalerrietako ehun inguru gazte aurkeztu dira Repsol Fundazioak eta Petronorrek 2010-2011 ikasturterako elkarrekin burutu duten Lanbide Heziketarako beka-egitasmora, Enrique Locutura Fundazioaren lehendakariorde ejekutiboak eta Josu Jon Imaz Petronorren lehendakariak prentsaurrean jakinerazi dutenez.
ALDE (Alliance of Liberals and Democrats for Europe) taldeko 30 inguru eurolegebiltzarkide bisitari izan dira Petronor Findegian, Izaskun Bilbao parlamentari jeltzalearen bitartekotzaz. Buru izan da Graham Watson, taldearen bozeramaile nagusia.
Biharko, ekainak 29, deitu den greba orokorra dela-eta, Petronorrek jakinerazi nahi du gutxieneko operazio-kargan jarriko direla Ekoizpen Unitateak. Egoera honek indarrean iraungo du 24 orduz, hilaren 29ko 06:00etatik hilaren 30eko 06:00ak arte.
“Análisis al fútbol profesional en Bizkaia ” deritzan izenburupean, futbolaren inguruko beste hitzaldi bat izango da, beti ere ByP Eventos Deportivos agentziak antolatua eta Petronorren dirulaguntzaz.
Hainbat sektoretako enpresetan jardun ondoren, Víctor Pérez de Guezuraga bilbotarrak (1959), 18 urte daramatza taldeari lotuta 1992an findegian sartu zenetik. Harez geroztik, hainbat betekizun izan ditu erakundean, eta esfortzuaren zein taldeko lanaren kulturan, eta erakundeko pertsona guztien arteko giza harreman onak sustatuz negozio konplexu honetan ditugun erronkak eta helburuak lortzean oinarrituta, bere lanik onena egiten saiatu da.
Isabel Celaá Eusko Jaurlaritzaren Hezkuntza, Unibertsitate eta Ikerkuntza sailburua bertan zelarik, atzo arratsaldez ekin zitzaien Muskiz FP 2010 Uda Ikastaroei. Gaur hasi eta uztailaren 16ra bitartean eratuko dira “Lanbide Hezkuntza, Berrikuntza eta Iraunkortasuna” izenburupean.
Petronorrek jakinerazi nahi du gaur, osteguna, goizeko 06:45tan, amaiera eman zaiola atzo arratsaldean Barbadun ibaira ekindako isuriari. Jakina denez, itsasora ezezik ibaira ere isuri behar izan zen egunean zehar izan ziren eurite handiengatik.
