Repsolek eta Bizkaiko Gurutze Gorriak atzo sinatu zuten elkarrekin 2009rako ituna. Hitzarmen honen arabera petrolio-enpresak 54.000 litro erregai eskainiko dizkio Gurutze Gorriari itsas-salbamentutan zein bestelako segurtasun-zerbitzutan erabili ditzan.
Petronorren webgunea izango da El Correo Digital-ek zazpigarren urtez antolatu duen Enpresa Webgunerik onenari dagokion saria irabazi dezaketen hiru enpresetarikoa. Sari irabazi ahal izateko kontuan hartuko diren irizpideak izango dira, besteak beste, nabigagarritasuna, sektore onura, bezero mota, multimedia baliabideak, interaktibitatea eta on-line zerbitzuak.
Estatu Batuetatik jaso ditu Petronorrek larrialdi handietan erabiltzeko ekipo mugikorren bigarren tanda, horien artean, 600 ZP-ko diesel motordun suteen aurkako bigarren ur-ponpa. 6.000 gpm (22.700 litros/minutua) potentziarekin ponpa dezake eta 10.000 gpm-ko kanioi edo supermonitorea du (37.854 litro/minutua). Gainera, 150 mm-ko diametroa du eta 50 metro luze diren 20 tramu ditu ponpak.
Karacter taldearen “Los monólogos de la vagina” antzezlanaren aurkezpenaz ekingo zaio datorren larunbatean, martxoak 7, Meatzari Aretoan, Muskizko 2009 Antzerkialdiari, Udalaren, Foru Diputazioaren eta Petronorren diru-laguntzaz.
Repsolek, Petronoren akziodun nagusia, Gaviota plataforman gasa gorde eta tratatzeko ahalmena bikoiztu nahi du 2015 urterako. Egun 800 milioi metro kubo gas injektatu eta igortzen badira urtean, 1.600 milioi metro kubo izatea nahi du. Proiektuari Alga 1600 izena eman diote eta 900 milioi euroko inbertsioa beharko du.
Josu Jon Imazek eta José Manuel de la Senek, Petronoren presidentea eta kontseilari delegatua, hurrenez hurren, ez dute parte hartuko gaur, ostirala, Muskizeko Meatzari Aretoan, Udaletxeko Igurumeneko zinegotzia den Marcos Cucók hala eskatuta, egingo den hitzaldi-eztabaidan.
Hurrengo martxoaren 4an Athletic-ek eta Sevillak elkarren kontra jokatuko duten Koparen finalerdiko partidoa pantaila erraldoian eskainiko da Muskizko Meatzari Aretoan. Petronoren laguntzaz, Deiak eta Tele7-k antolatutako ekitaldi honetan parte hartu ahal izango dute ondoko posta elektronikora idazten duten lehen 300 lagunek: inscripcion@muskizconelathletic.com.
Egiaztapena emailez iritsiko zaizu. Mezu hori jasotzen ez baduzu, saiatu berriro, mesedez, egiaztapenik ez baduzu, ezingo zara sartu eta.
Asteazkenean, hilak 4, sartu ahal izango direnen izenak emango dira jakitera ondorengo helbidean:
Muskizeko Udalaren Gobernu Bilkurak Petronori Fuel-olioa Murrizteko Unitatea eraikitzeko jarduera eta lanak burutzeko baimena ematea adostu du. Harekin hasiko da ustez 2011ko lehen hiruhilabetean bukatuko den lan-egutegia, eta 810 milioi euro inbertituko dira hartan. Euskal Herriko historian gertatu den industri inbertsiorik handiena izango da. Haren eraikuntzan 1600 pertsona inguruk hartuko dute, 2500 ere izan daitezkeenak noizean behin.
Repsol, Petronoren akziodun nagusia, Trinidad eta Tobagon duen ordezkaritza areagotuko du. Petrolio-konpainiak haren ekoizpen osoaren % 15 ateratzen du herrialde hartatik. Hala jakinarazi du konpainiaren presidenteak, Antonio Brufau, bere herrialdeko agintarien aurrean.
