ALBISTEAK

Petronorreko eta Bilboko Portuko Agintaritzako ordezkaritzak, José Gregorio Luque konpainiako kontseilari delegatua, José Ignacio Zudaire kontseilari delegatuaren ondokoa eta Ricardo Barkala Bilboko Portuko Agintaritzako presidentea buru zirela, Repsolek A Coruñan duen industria-gunea bisitatu zuten joan den asteazkenean. Petronorreko eta Portuko Agintaritzako ordezkariekin batera izan ziren Natalia Barreiro, Galiziako findegiko zuzendaria; Martin Fernández Prado, A Coruñako Portuko Agintaritzako presidentea, eta Juan Diego Pérez, azken honetako zuzendari nagusia.

Petronor Futbol Campusak XI. edizioa amaitu du, eta guztira 107 neska-mutilek hartu dute parte (91 eta 16, hurrenez hurren), 5 eta 13 urte bitartekoak.

Ania Gallardo (Agurain, 1999) eta Igor Bogaz (Sopela, 1999) izan dira gaur eguerdian Sendagorta Beka jaso duten ikasleak, Bilboko Ingeniarien Eskolan egindako ekitaldian. Saria ikasturte bakoitzaren amaieran titulazio bikoitza eskuratu nahi duten Industria Ingeniaritzako Unibertsitate Masterreko espediente akademiko bikainena duten bi ikasleentzat da. Horrela, Petronorrek ingeniaritzako ikasleen nazioarteko prestakuntza aurreratua babestu nahi du energiaren, berrikuntzaren eta digitalizazioaren arloan.

Aitor Arzuagak, Alba Free Energy-ren (trantsizio energetikoa eta deskarbonizazioa bultzatzeko Petronorren filiala) zuzendari nagusiak, Basque Trade & Investment-en (Euskadiko Nazioartekotze Agentzia) jardunaldi batean parte hartu zuen joan den astean, Bilbon, hidrogenoaren esparruan lankidetza garatzeko Japoniako hogei bat enpresaren misioarekin. Bertan, Petronor-Albak arlo horretan dituen ekimenak aurkeztu zituen. Bestalde, Iñigo Ansolak, Energiaren Euskal Erakundeko zuzendari nagusiak, Hidrogenoaren Euskal Korridorearekin (BH2C) lotutako xehetasun guztiak azaldu zizkien Japoniako ordezkariei.