ALBISTEAK

Ekainaren 9, 10 eta 11n egin da San Miguel zelaian (Gallarta) San Antonio-Petronor futbol 7ko XIV. Txapelketa. 2012 eta 2015 artean jaiotako 540 jokalari inguruk, Meatzaldeko, Ezkerraldeko eta Bizkaiko beste eskualde batzuetako 36 taldetan, Gallarta Kirol Elkarteak antolatu eta Petronorrek babestutako lehiaketan parte hartu zuten.

Bilbok eta Amsterdamek, Energiaren Euskal Erakundearekin (EVE), Petronorrekin eta Herbehereetako SkyNRG, Evos Amsterdam eta Zenith Energy Terminals erakundeekin batera, akordio bat sinatu dute gaur, Bilboko eta Amsterdamgo portuak lotzen dituen itsas-ibilbidean hidrogeno berriztagarriaren Europa mailako korridore bat garatzeko asmoz.

Japoniako hiru prefekturatik (Aichi, Hiroshima eta Kyoto) etorritako ordezkaritza batek Petronorren instalazioak bisitatu zituen atzo, konpainiaren proiektuak ezagutzeko, bereziki Hidrogenoaren Euskal Korridorearekin zerikusia dutenak.

Itziar Landa Petronorreko Digitalizazio arduradunak Digital Talks jardunaldian parte hartu zuen atzo BECen, ‘Industriako datu-gunea’ izeneko panelean. Tecnaliako Javier Herrera moderatzaile zutela, mahai-inguruan solaskide izan zituen Miguel Ángel Calero, Izertis enpresako digitalizazio-arduraduna; Joan Martínez, Capgemini Engineering enpresako i+G proiektuen zuzendaria; eta Óscar Lázaro, Baidata enpresako idazkaria.

Hidrogenoaren Euskal Korridoreko (BH2C) presidenteak, Jose Ignacio Zudairek, Petronorrek eta beste 70 erakundek bultzatutako berrikuntza handiko ekimen gisa aurkeztu du gaur elkarte hau. Aurkezpena Innobasqueren Batzar Nagusian egin da.

Repsol Taldeak bat egiten du LGTBIQ+ Harrotasunaren Nazioarteko Egunarekin, eta berretsi egiten du lan-ingurune inklusiboa eta errespetuzkoa bermatzeko konpromisoa, edozein dela ere pertsonen norabide sexuala, identitatea eta genero-adierazpena. Horrela, bere campusa eta bere industriaguneak, besteak beste Petronorrena, ostadarraren koloreekin jantzi dira, olanen, zebrabideen edo banderen bidez kolektiboari emandako babesa esplizituki adieraziz.