ALBISTEAK

Aida Bricio Petronorreko Kalitate eta Ingurumen arduradunak ‘Basque Circular Summit’ ekitaldian parte hartu zuen atzo, Irungo FICOBAn, Ihobe sozietate publikoaren eskutik antolatutakoan, eta bertan Konpainiak deskarbonizazioaren eta zirkulartasunaren arloan abian jarritako ekimenak aurkeztu zituen. Horien artean, nabarmentzekoak dira 2,5, 10 eta 100 MW-ko elektrolizagailuen bidez hidrogeno berriztagarria ekoizten dutenak edo hidrogeno berriztagarritik eta harrapatutako CO2tik erregai sintetikoak sortzen dituztenak. Nabarmendu zuenez, guztiek Petronor Hidrogenoaren Euskal Korridorearen barruan “lider industrial” gisa kokatuko dute.

Japoniako Enbaxadako ordezkaritza batek, Yoji Kitamura Ekonomia sailburua buru, Petronor bisitatu du gaur, konpainia multienergetikoaren eraldaketa prozesua ezagutzeko

Petronor Innovación-eko zuzendari Manu Núñezek eta konpainiako Digitalizazio arduradun Itziar Landak LibreCON kongresuan parte hartu zuten atzo, Bilbon. Bertan zibersegurtasuna, konputazio kuantikoa, berrikuntza irekia, metabersoa, eraldaketa digitala, Adimen Artifiziala edo 5.0 industria izan ziren hizpide, besteak beste. Núñez-ek ‘El espacio como un agente del cambio’ mahai-inguruan hitz egin zuen eta Landak konputazio kuantikoari buruzko mahai-inguru bat koordinatu zuen.

José Ignacio Zudaire aukeratu dute Bilboko Ganberako presidente, José Ángel Corresen ordez, gaur egin den Osoko Bilkuran.

“Etorkizuna multienergetikoa izango dela pentsa dezakegu, eta trantsizio-prozesu hau aprobetxatu behar dugu neutraltasun teknologikoaren alde apustu eginez”,  adierazi du gaur Elias Unzueta Petronor Innovacioneko gerenteak Guggenheim Bilbao Museoan, Energiaren Euskal Erakundeak eta Suitzaren Espainia eta Andorrako Enbaxadak trantsizio energetikoak industriari ekar diezaizkiokeen aukerak Suitza eta Euskadiko enpresa eta erakundeen esperientzien bitartez aztertzeko antolatu duten “Suitza-Euskadi Foroa: trantsizio energetikoaren aukerak industriarako” izenburuko topaketan.