Blas Ziarreta Bilbao Athletic eta Sestao Sport-aren entrenatzaile ohia, Iñaki Pola Beasain eta Erandioaren entrenatzaile ohia, Alberto iglesias Bizkaiko entranatzaile eskolaren zuzendaria, eta Amable Martín Portugalete F.C-ren presidentea Muskizen elkartuko dira bihar “Krisian dago futbol bizkaitarra?” delako gaiaz eztabaidatzeko.
Petronorren Zuzendaritzak eskerrak eman nahi izan dizkie A Coruña eta Puertollanoko findegietatik etorritako sei lankideei, ez baitira alferrik gurekin buruz buruz izan aurreko hilabete honetan, Fuelolioa Murrizteko Unitatea abian jarri ahal izan aurreko azken frogetan.
Muskizek bere meatzari-iragana berreskuratu du eta Meatzari Plazan harri-zulatzailearen eskultura estreinatu. Ohiko meatzaritzari eskainitako omenaldi hau “Pobeña 1980” egitarauari atxikia dago. Muskizko Udalak eta “Trueba” Enkarterrietako dokumentazio eta zabalkunde guneak antolatutako ekintza izan da.
Eusko Jaurlaritzaren Larrialdiei Aurre Egiteko eta Babes Zibileko Zuzendaritzak jakinerazi du, gaur, abenduaren 16an, goizeko 12:00tan gutxi gora behera, Muskizko udalerrian jarrita dauden istripuak iragartzeko alerta-sirenak aktibatuko direla, inoiz izan daitezkeen isuri hipotetikoen aurrean gertu egon ahal izateko. Saio hau Seveso araudia dela eta, kanpora isuriak bota ditzaketen industrien segurtasunaren inguruan noizik behin egin ohi diren aldizkako simulazioetako bat izango da.
Petronorrek jakinerazi nahi du bigarren plantako N2 Nafta Desulfurazio Unitatea eta lehen plantako Platformatu P1 Unitatea abian jartzeari ekin zaiela.
Zuzendaritza Talde osoak hartu ditu gaur asteleheneroko batzarrean zehar Monica Mon eta Julian de la Calle Repsoleko lankideak, Fuelolioa Murrizteko Unitatea dela eta prestakuntzaz zein indarrean jarri aurreko jardueraz eskaini duten laguntza eskertzeko.
Eusko Jaurlaritzak Gallartako Bodovalle meategia Kultur Ondasun izendatu du, Monumentu-Multzo deritzan maila barruan.
Jose Puente DAR plantako arlo buruak eta Enrique Rioz Ruiz 1 eta 2 Findegietako arlo buruak Petronorren Hobekuntzarako IV. Ideia Lehiaketa irabazi dute.
Victor Pérez de Gezuraga Petronorren zuzendari nagusiak hainbat lan-esparrutako berrehun inguru arduradun eta arlo-buru bildu ditu, krisialdi orokorra dela eta euskal findegia nahiz mundu mailako petrolio-sektorea zertan diren aztertu ahal izateko.
