Asteburu guztian zehar eratuko da Zierbenako portuan urteroko Itsaski Azoka. Antolatzaileek 150.000 inguru lagunen bisita itxaro dute eta, batez beste, 14 tona besteko marisko-kontsumoa. Eguraldi ona zein arrakasta segurutzat joten dira.
“El fútbol femenino en Euskadi” deritzan izenburupean, futbolaren inguruko beste hitzaldi bat izango da Muskizen, beti ere ByP Eventos Deportivos agentziak antolatua eta Petronorren dirulaguntzaz.
Gaur, hilak 29, Fernando Llorente eta David Lopez athleticen jokalariek autografo-sinadura ekitaldia izango dute Muskizen.
Urriaren 1etik 3ra bitartean Pobeñan eratuko da Lehen Santiago-Bidearen Topaketa eragilea, Ipar Bidea deitu joan-etorria baliapide turistikotzat suspertzeko asmotan. Besteak beste, Santiago-Bideari buruzko hainbat hitzaldi eta mahai-inguru antolatuko da eta Euskadi, Kantabria, Asturias zein Galiziako zenbait dantza-talderen ekitaldiak eskainiko.
Petronorrek jakinerazi nahi du larunbatetik aurrera, irailak 25, Lehen Plantaren Ekoizpen Unitateen geldialdiari ekingo zaiola, Lehen Gordin Unitatea tarteko. Helburua Findegiko laberik handienaren energia-eraginkortasuna hobetzea da. Geldialdiak, batez beste, hamar egun inguru iraungo du.
Atzo aurkeztu zen Bilbon Ciudadano R deritzan karabana, energiaren erabilpen egokia zein ingurumenarekiko begirunea eragiteko asmotan burutua. Arriaga Antzokiaren alboko plazan iraungo du zabalik urriaren 8rarte.
Aitana Bergara eta Jon Fernandez izan ziren aurreko larunbatean, Zierbenako portuan eratutako Umeen arteko Lehen Arrantza Txapelketaren irabazleak, atzeman eta aske utzi arrantza-tankeran. Guztira 141 arrantzale gaztek parte hartu zuten lehiaketa hau El Correo egunkaria antolatu zuen, Bizkaiko Arrantza Federazioarekin batera eta Petronorren diru-laguntzaz.
Gaur, irailak 17, urtebete da Petronor.info bulegoa ireki zela Muskizen. Zendeja kalean irekitako jendaurreko gunea muzkiztarrei zein inguruko herritar guztiei ahalik eta informaziorik gehien eskaintzeko asmotan eragin zen, bai Findegiaren nondik norakoaz eta baita indarrean jarritako egitasmorik berezienez ere.
Datorren larunbatean, irailak 18, umeen arteko lehen arrantza-txapelketa antolatuko da Zierbenako portuan, “atzeman eta aske utzi” arrantza-tankeran. Portuan bertan aldez aurretik euren izena emango duten 6 urtetik 13ra bitarteko neskatila eta mutiko guztiek parte hartu ahal izango dute. Lehia goizeko 9etatik eguerdiko 14etara eratuko da.
