Archivo por autor

Hilaren 22 eta 24rako bi film berri dakartza euskal zinemaren bost hamarkadari buruzko zikloak, ‘68aren ostean’ erakusketaren inguruan Bilboko Arte Ederretako Museoaren auditorioan egiten ari denak. Honakoan ‘El día de la bestia’ (Álex de la Iglesia, 1995) eta ‘El último viaje de Robert Rylands (Gracia Querejeta, 1996) datoz. Lehena 22ko 17:30etan ikusi ahal izango da, eta 24ko 19:30etan. Bigarrenaren ordutegia alderantzizkoa izango da.

Bizkaiko Motozaleen Errege Lagunarteak antolatuta, eta Petronorren babesarekin, datorren asteburuan Bilbo inguruan eta Enkarterrietan Nazioarteko XIV Rallyestone-a egingo da. Lehen mailako auto klasikoen lehiaketa da, estrainekoz 1.000 kilometrotako ibilbidea gaindituko duena, horietako erdiak gauez.

Abanto Zierbena Muskiz Txirrindulari Elkarteak datorren apirilaren 7an izango den Gallarta-Gallarta X. Ibilaldi Zikloturistikoan izena emateko epea zabaldu du. Froga, aurten ere, Petronorren babesa dauka.

‘68aren ostean’, Petronorren babespeko erakusketaren baitan egiten ari den euskal zinemaren zikloan bi film izango dira ikusgai bihar, hilak 15, eta 17an: ‘Días contados’ (Imanol Uribe, 1994) eta ‘Hotel y domicilio’ (Ernesto del Río, 1995). Lehena 17:30etan proiektatuko da bihar, eta 19:30etan igandean. Eta Del Ríorena, ostera, 19:30etan eta 17:30etan, hurrenez hurren. Biak Bilboko Arte Ederretako Museoko auditorioan.

Findegiak Zuhaitz Etxeetako “Ijito Gurdietan” bi pertsonentzako gau bateko egonaldia, mantenu erdiko erregimenean, zozkatuko du Abanto-Zierbena, Muskiz eta Zierbenako auzokideen artean.

Etenik gabe jarraitzen du euskal zinemaren bost hamarkadari buruzko zikloak, Petronorren babespeko ‘68aren ostean’ erakusketaren inguruan Bilboko Arte Ederretako Museoko auditorioan egiten ari denak. Gaur, hilak 8, (17:30etan) eta 10ean (19:45etan) ‘Ke arteko egunak/Días de humo’ (Antton Ezeiza, 1989) eskainiko da, eta egun berberetan, baina 19:45etan eta 17:30etan, hurrenez hurren, ‘La madre muerta’ (Juanma Bajo Ulloa, 1993).