José Ignacio Zudaire: “H2SAREA proiektua Euskadik erronka bat, deskarbonizazioa, gure lurraldeko garapen teknologiko industrialerako aukera bihurtzeko duen estrategiaren adibidea da”
“Trantsizio energetikoko prozesu batean murgilduta gaude, eta azken gertakariek, Errusiak Ukraina inbaditu izanak, moteldu beharrean, bizkortu baino ez dute egin. Europarrak garen aldetik, deskarbonizazioaren helburu nagusia mantentzen dugu, klima-aldaketaren aurkako borrokarako oinarrizko bektore gisa, baina azken aldian agian gutxi presente egon den beste zutabe batekin lotuta, horniduraren segurtasunarekin, alegia. Testuinguru horretan, hidrogeno berriztagarriaren aldeko apustua erabat indarrean dago. Hasieratik, Euskadin, hidrogenoaren ekonomiaren inguruan ekosistema bat sortzean oinarritzen zen estrategia diferentzial batekin abiatu ginen, haren garapena errazteko. Erronka bat, deskarbonizazioa, gure lurraldeko garapen teknologiko industrialerako aukera bihurtzeko estrategia. Gaur aurkezten dena bezalako proiektuak estrategia horren adibide garbia dira, enpresa baten lidergoarekin, kasu honetan Nortegas, hidrogenoaren garraioaren beharrei erantzuteko aukera emango duen teknologia garatzeko, elkarlanean, proiektu bati ekiten zaio”, adierazi du José Ignacio Zudaire Hidrogenoaren Euskal Korridoreko presidenteak, Nortegasko H2SAREA proiektuaren inaugurazio-ekitaldian.
02 Mai 2022
ALBISTEAK
