Archivo por autor

Petronorreko presidente eta Lehiakortasunerako Euskal Institutuko (Orkestra) presidente orde Emiliano López Atxurrak ‘La transición energética en el sector eléctrico’ liburuaren aurkezpenean hartu du parte gaur, eta bertan esan duenez “ez dago segurtasun nazionalik segurtasun energetikorik gabe eta honek sendotasun teknologiko-industriala dakar atxikita”. Bere ustez, “trantsizio energetikoa berpizkunde teknologiko eta industrialaren parekoa da”, baita “trantsizio urbanoarena” ere, eta “Europak batasun energetikoa behar du maila teknologikoan, industrialean eta segurtasun energetikoarenean beste eremu ekonomiko batzuekin lehiatzeko”.

“Espainiak bere gaitasun industrial eta teknologikoetan oinarritu behar du deskarbonizazio-estrategia, horixe izango baita enpresa-sare lehiakor eta berritzailea bultzatzeko modua”,  Josu Jon Imaz Repsoleko kontseilari ordezkariaren esanetan, eta halaxe adierazi du Taldeak Espainian dituen proiektu industrial eta teknologiko berrien aurkezpenean, 2050ean zero isurpen garbi izateko konpromisoari jarraiki.

“Trantsizio energetikoa eraldaketa tekno-industrialeko proiektu baten indar-ideia da, eta Europan energiaren segurtasuna bideragarri egiteko bitartekoa. Gertuko eremuan, oinarri tekno-industrialak dituen energia arloko indarra sendotzeko eta Estatuak Europako energia-subiranotasunaren arloan duen posizioa bermatzeko modua da”,  adierazi du gaur Emiliano López Atxurra Petronorreko presidenteak, Deusto Business Schoolek eta Repsol Fundazioak telematikoki antolatu duten ‘Trantsizio energetikoa eta urbanoa. Mugikortasun iraunkorra eta adimenduna’ topaketa-zikloaren itxieran.