ALBISTEAK

Gaur eguerdian minutu bateko isilunea egin da Repsol eta Petronorren lantokietan Covid-19aren biktimen omenez, prebentzio neurri guztiei eusten zaien bitartean. Arduraz jokatzea omenaldiari egindako ekarpenaren zati bat da.

Eusko Jaurlaritzak, Bizkaiko Foru Aldundiak, Bilboko Koral Elkarteak eta Petronorrek euren indarrak batu dituzte Euskalopera proiektuarekin euskal ondare lirikoaren berreskurapena bultzatzeko. Horrek eskuizkribuak argitaratzea eta diskoak grabatzea ekarriko du, Charles Colinen Maitenatik hasita. BOS (Bilboko Orkestra Sinfonikoa) atxiki zaio ekimen honi, baita inguruko artistak ere, hizkuntzaren eta generoaren estetikaren jakitun.

Bilboko Arte Ederren Museoak “gure kultura-inguruko bildumazaletasun pribatuko adibiderik adierazgarrienetakoa” bisitatzeko aukera ematen du bihartik urriaren 12ra bitartean, María Josefa Huarte bilduma. Horretarako, pinakotekak Nafarroako Unibertsitatea Museoaren laguntza eta Petronorren babesa dauka.

Athleticek eta Petronorrek akordioa sinatu dute goizeon klubaren energia kontsumoa bere instalazioetan zein mugikortasunean deskarbonizatzeko. Parte batean Athleticen beraren instalazioetan ekoiztutako energia berdea bakarrik kontsumitzeko bidea da honakoa, ‘0Km-ko energia’ deitutakoa. Beste alde batetik, klubaren preskripzio gaitasuna baliatu nahi da zaletuek ingurumenarekin errespetuzkoagoa den energia izan dezaten, CO2 gutxikoa eta komunitate iraunkorragoa osatzekoa.

Zierbena Arraun Taldeak Petronor Ikurriñaren XXXVII edizioa aurkeztu zuen atzo, ACTren egutegian datorren domekan, uztailak 12, Zierbenako uretan egingo dena.

José María Montserrat, Petronorreko Produkzio zuzendariak, “segurtasunaren, ingurumenaren eta lan zorrotzaren” garrantzia azpimarratu du gaur eguerdian Kimika-Instalazioko Operadoreen (KIO) ikastaroaren itxiera birtualean. Halaber, deskarbonizaziorako bidean findegiaren eraldaketa nabarmendu du, covid19ak eta eragin duen krisi ekonomikoak uneon baldintzatutako testuinguru aldakorrean.