ALBISTEAK

Donostia Zinemaldiak datorren astelehen ekainaren 1ean itxiko du Startup Challenge egitasmoaren bigarren deialdirako epea. Honakoa ikus-entzunezkoetako proiektu teknologikoen gaineko lehiaketa da. Zinemaldia&Technology ekimenaren hirugarren edizioaren barruan egingo den lehiaketa Zinemaldiaren apustu estrategikoetako bat da, teknologiari eta ikus-entzunezkoen industriari buruzko gogoetarako erreferentzia-gune izatea du-eta helburu.

Repsoleko presidente Antoni Brufauk eta konpainiaren kontseilari delegatu Josu Jon Imazek ‘Espainia berrindustrializatzeko ideiak’ deritzan iritzi artikulua plazaratzen dute gaur El País egunkarian. Covid-19ak eragindako krisiaren ondoriozko momentu kritikoan, industriaren garrantzia nabarmentzen dute etorkizuneko susperraldi ekonomikoari begira. Hala, diotenez “azken krisi finantzarioaren esperientziak gizarte industrialek enplegua mantentzeko duten sendotasun handiagoa islatu zuen”.

Petronor Innovación-eko gerente Elías Unzuetak webinarra eskaini du maiatzaren 12an ‘STEAM lanbideetarako karrera aukerak ekonomia zirkularraren baitan’ izenburupean Bizkaiko Industria Ingeniarien Elkargo Ofizialaren ziklo batean.

Bilboko Koral Elkarteko Haurren Koruko neska-mutilek Annie musikaleko gaia grabatu dute euren etxeetatik, biharkoari begirako itxaropenaz, partekatutako lanaz eta heltzear dagoen etorkizunaz mintzo dena.

Bilbao Bizkaia Uren Partzuergoak Muskizko Hondakin Uren Araztegia (HUA) handitzeko proiektuaren eta lanen kontratua sinatu du, eraikuntza proiektuaren erredakzioari bide eginez, sei hilabeteko epea daukana, eta aurreikusita zegoen legez lanak azaroan hasi ahal izango dira, Alarma Egoeragatik ezarritako jarduera ez premiazkoen geraldia dela-eta epe administratiboak geratu diren arren.

Bihar larunbatetik aurrera Petronorrek Gordin 2 unitatea geratzea erabaki du merkatuko baldintzek hobera jo arte. Horrek esan nahi du destilazioaren %60 mantentzen jarraitzen duela. Haatik, plantillaren lan okupazio ezaz gaindi, Petronorrek ez du momentuz ERTErik eskatuko, eta orduak pertsonalaren formazio balioaniztunari eskainiko dizkio.

Petrolio-Produktuen Operadoreen Espainiako Elkarteak (AOP) neurri sorta bat aurkeztu die aste honetan Gobernuari eta talde politikoei pizkunde ekonomikoa suspertzeko, sektore industriala babestuz, fintzean trantsizio energetikoa bultzatuz, eta erregaien banaketa, arauen ziurtasuna eta inbertsioen sustapena aintzat hartuz.

Petronor eta Tecnaliako presidente Emiliano López Atxurrak “interesekoa” ikusten du “Eraldakuntza Teknologiko eta Industrialerako Funts Estrategiko” baten moduko tresna bat sortzea Covid-19ak eragindako krisiari aurre egiteko. Asteazken honetan ‘Liderrak krisiaren aurrean’ izeneko atalean El Correon argitaratutako artikulu batean, Europako Kontseiluko hurrengo seihileko alemaniar presidentziaren garrantzia nabarmendu eta Espainiaren jarreretan sendotasuna eskatu du, “funtsezko” jotzen duelako herrialdearen gaitasun teknologiko eta industrial guztiak azpimarratzea.

Iragan larunbatetik herritarrak ibiltzera edo korrika egitera kalera irten daitezkeela-eta sor daitezkeen pilaketak eragozteko, Zierbenako Udalak herriko sarbide guztiak itxi ditu. Hiru dira bidezkoen igarobideak, pasealeku eta bidegorri modukoak: Santurtzi, Muskiz eta Abanto. Espainiako Gobernuaren aginduak debekatu egiten du udalerri batetik bestera igarotzea, baina bisitariak antzeman dira zenbait unetan.