Findegia

Portugaleteko Asti Leku Ikastolako ikasle-taldeak  bisitatu dute gaur Findegiaren hainbat instalazio. Ikasleek findegi-prozedura konplexua bertatik bertara ezagutzeko aukera izan dute. Beharreko azalpenak Angel Gil Kanpo Harremanetako teknikariak eman dizkie.

“El papel de Petronor al subcontratar” da Fernando Alonso Petronorren Ingenieritza-Mantenu zuzendariak Bilboko Euskalduna jauregian azaldutako txostenaren izenburua, Arriskuen ebaluazioa deritzan jardunaldietako hitzaldi-zerrendaren barruan. Bere mintzaldiak bi alor landu ditu batez beste. Batetik, Petronorrek duen konpromisoa bere eraginpeko PYMEetan segurtasun-kultura eta kudeaketa areagotzeko eta, bestetik, enpresa handiek duten ahalmena subkontratatzen dituzten enpresetan segurtasuna indarrean dagoen legeria baina haratago gogoan hartua izan dadin.

Mungia B.H.I.ko ikasle-taldeak  bisitatu zuten atzo Findegiaren hainbat instalazio. Ikasleek findegi-prozedura konplexua bertatik bertara ezagutzeko aukera izan zuten. Beharreko azalpenak Angel Gil Kanpo Harremanetako teknikariak eman zizkien.

Migel Angel Sinobas lankideak, Laborategian  kimika-laguntzaile dena, Euskal Herriko Unibertsitatearen Ikasgela Nagusian jaso zuen atzo Kimika Analitikoaz lizentziatura, Zientzia eta Teknologia Fakultateak deitutako XXXVII. Titulu-emanaldiaren baitan. Zorionak.

Lan-gatazka dela-eta lau egunetan zehar instalazioak geldirik egon ostean, berriro ere ekin zaio ekoizpe-unitateak indarrean jartzeari. Instalazioak abian jartze hau sekuentziala izango da, zatika eta epeka alegia.

Aurreko astean hiru ikastetxek bisitatu zituzten Findegiaren hainbat instalazio: Barakaldoko La Inmaculada Ikastetxeak, Somorrostro Irakas-guneak eta Berrizko Ikastolak, hain zuzen ere. Ikasleek findegi-prozedura konplexua bertatik bertara ezagutzeko aukera izan zuten. Beharreko azalpenak Angel Gil Kanpo Harremanetako teknikariak eman zizkien.

XIV. Hitzarmen Kolektiboari buruzko adostasunik eza dela eta, Petronorren langileek azaroaren 6tik (15:00) 10era (6:00) bitartean huelga egiteko hartu duten erabakiaren ondotik, Zuzendaritzak hainbat ekoizpen-unitateren geldiketa sekuentzialari ekitea erabaki du.

Aurreko astean Findegira astiro-astiro heldu ziren bi koke-kamerak elkarrekin jarri dira, bata bestearen ondoan, alekako solido solteen biltegia eraikiko den larrainean, noiz lanek aurrera egingo zain.

Bigarren koke-kamera atzo iluntzean heldu zen Findegira, Santurtziko kaitik Muskizera bitarteko sei kilometroak “bizkor” samar gainditu ostean. Esperientzia onerako baino ez omen da eta, oraingo honetan behintzat horrelaxe izan zen, bigarren garraioaldian ordu bi gutxiago behar izan zuen-eta. Alegia, sei besterik ez.