Findegia

Jose Manuel Setien, 1983ko abuztutik hona 1. eta 2.  Findegietako bertako operatzaile, bere segurtasunaz zein ingurukoaz erabat arduratzen den gizona dugu, ez daroa-eta alferrik 26 urteko lan profesionala ezelango bape istripurik gabe. Errekord hau aitortu zaio gaur Gabonetako Kopa dela eta eratu den bileran. Setien Kaiku treineruko arraunlaria izana da eta, oraindik ere, hainbat kirol-motatan aritu ohi ena. Seguro gero gorputzaldi onean jarraitu ahal izateak dezente lagundu izan diola. Zorionak.

Aurreko astean hiru ikasle-taldek bisitatu zuten Findegiaren hainbat instalazio: Bilboko Ingeniaritza Goi Eskola Teknikoak, UPV-EHUko MBA Global Masterrak eta Zaragozako Unibertsitateko Kimika Fakultateak, hain zuzen ere.

Gaurdanik, abenduak 9 eta asteazkena, datorren ostiralerarte, hilak 11, Eusko Jaurlaritzaren Ingurumen Saila  Ingurumen Baimen Bateratu (IBB) baldintzatuaren balioa egiaztatzeko ikuskaritza-plana burutzen arituko da Petronorren Findegiaren barrena.

Petronorren Findegiaren kanpo-instalazioek 20.000 argi-gune dituzte gutxi gora behera. Hau da joan zen urtarrilean webgune hau jendaurrean jarri zenetik hona internautek sarrien egin duten galderari dagokion erantzuna. Gehientsuenek bonbilok egoera-argiak baino ez direla uste izan arren eta, guztiak berdin samarrak gainera, errealitatea erabat bestelakoa da.

Erandioko Tartanga B.H.I.ko ikasle-taldeak  bisitatu dute gaur Findegiaren hainbat instalazio. Ikasleek findegi-prozedura konplexua bertatik bertara ezagutzeko aukera izan dute. Beharreko azalpenak Angel Gil Kanpo Harremanetako teknikariak eman dizkie.

Eusko Jaurlaritzaren Larrialdiei Aurre Egiteko eta Babes Zibileko Zuzendaritzak jakinerazi du, azaroaren 30ean, eguerdiko 12:00tan gutxi gora behera, Muskizko udalerrian jarrita dauden istripuak iragartzeko alerta-sirenak aktibatuko direla, inoiz izan daitezkeen isuri hipotetikoen aurrean gertu egon ahal izateko. Saio hau Seveso araudia dela eta, kanpora isuriak bota ditzaketen industrien segurtasunaren inguruan noizik behin egin ohi diren aldizkako simulazioetako bat izango da.

Getxoko Julio Caro Baroja B.H.I.ko ikasleek eta Santanderreko La Salle Ikastetxeko ikasle-taldeak bisitatu dute aste honetan Findegiaren hainbat instalazio.

Manu Tejada alkatea bertan zela, Josu Jon Imaz lehendakariak eta Víctor Pérez de Gezuraga zuzendari nagusiak elkarrekin zabaldu dituzte gaur, Abanto-Zierbenako Udal Areto Nagusian eta bertako 36 gazteren artean, Lanbide Heziketa ikasketak egiteko Petronorren bekak.

“Petronorren betekizuna gizarteak behar dituen erregaiak ekoiztea da. Guztia bertako ongizatea eta garapena segurtatu ahal izateko eta ingurumen-baldintzarik zorrotzenak gogoan hartuz” adierazi du Fran Fernandez  Findegiaren azpizuzendari teknikoak, Euskaliten eta Innobasqueren eraginez Kalitate Astean zehar eratu berri den Ejemplos prácticos de sostenibilidad y responsabilidad social empresarial mahai-inguruan barrena.