Findegia

Petronorrek, ByP Eventos Deportivos agentziaren laguntzaz, hiru hitzaldi antolatuko ditu hurrengo maiatzaren 13an Valentzian jokatuko den Koparen finala dela eta, giroa berotu ahal izateko. Muskizko Meatzari Aretoan eratuko diren hiru mahai-inguru izango dira eta “Koparen bila” izenburupean indarrean dauden jokalariak, kirol-kazetariak eta txapeldun ohiak bilduko ditu.

Petronorrek 133,8 milioi euroren mozkin garbia eskuratu zuen 2008. urtean, gordinkien eta produktuen prezioek zeharo behera egin zuten ingurunean. Prezioen beherakada latz horren ondorio gisa, ustiapenaren emaitza (115,1 milioi euro) % 50 baino gehiago jaitsi da aurreko urteari zegokion ekitaldiko ustiapenaren emaitzaren aldean.

Santanderreko Informatika eta Negozio Goi-Mailako eskolako (CESINE)  ikasle-taldeak  bisitau du gaur Findegiaren hainbat instalazio.

Ikasleek findegi-prozedura konplexua bertatik bertara ezagutzeko aukera izan dute. Beharreko azalpenak Angel Gil Kanpo Harremanetako teknikariak eman ditu. Gaiari dagokion bideo aproposa eta instalazioen zehar egindako joan-etorriarekin batera amaitutzat eman da bisita.

Bihar, apirilak 7, asteartea, goizeko 10.00etan Muskizko Findegiaren Maketa Aretoan jakinaraziko dira Petróleos del Norte, S.A erakundearen 2008ko ekitaldi ekonomikoaren emaitzak.

Vitoria-Gasteizko Mendebaldea Institutuko ikasle-taldeak eta BBVA-ren Jubilatu Elkartearen zenbait bazkidek bisitau dituzte gaur Findegi honen hainbat instalazio.

Repsolek beste gas-aurkikuntza bat egin du Algerian, aurreko urtarrilean egindako aztarnategien ildo beretik eta konpainiak estrategikotzat jotzen duen eremuan. Bigarren aurkikuntza honek baiestatzen du inguru-minguru honen aukerabidea. Repsolek %33,75en partaidetza du eta patzuergo-aurkitzailearen  eragile nagusia da.

“Comienza la construcción del Proyecto URF” da Gaztelu Berri aldizkariaren martxoko aleak azalean dakarren izenburu nagusia. Gaiari dagozkion zertzeladak aipagarri dira Joaquín Ayani eta Andres Flores arduradunen adierazpenetan zehar. Lehena Fueloila Murrizteko Unitate egitasmoaren bateragilea da eta bigarrena, berriz, Eraikuntza arduraduna, Ingenieritza Zuzendaritzaren baitan.

Repsolek beste gas-aurkikuntza bat egin berri du Tanger-Larache inguruetan, Marokoko itsasaldetik 40 kilometrora. Aurkikuntza hau, aurten egin ahal izan den zazpigarrena, aurretik Algeria, Brasil eta Estatu Batuetan egindakoen ildo beretik doa. Repsol patzuergo miatzailearen operadorea da, %36ko partaidetzaz.