Industria eta Energia Sailak 31.593,75 euroren dirulaguntza eman dio Petronorri “ingurumen-legeriak eskatu baino sufre gehiago berreskuratzeko indarrean jarritako sistema” bideratzeagatik. Teknologia berri hau Fueloila Murrizteko Unitateari atxikiko zaio, lan-eskutan zein bestelako gastutan soil-soilik Petronorrek xahutu duen 419.750 € aurrekontuaren aringarri.
Repsolek Enagasi salduko dio, 86,9 milioi euroren truke, Bermeo aurrean Gaviota lurpeko gas-biltegian duen %82ren partaidetza. Salmenta ez da egin ahal izango beharrezko adminiztrazio eta lehiaketa-baimenak lortu arte.
Repsolek Josu Jon Imaz izendatu du Energia Berrien Negozio Unitatearen zuzendari exekutibotzat. Lan-sail berri hau eragin du “bioenergiaren, garraiotarako energia berriztagarrien zein CO2 atzemate eta bilketaren eremuetan sortu daitezkeen aukerak bideratzeko eta dagozkien egitasmoak sustatzeko”. Bidenabar, Antonio Brufauk burutzen duen konpainiak “gaur egun indarrean dituen arloetan eta dagoeneko diharduen inguru geografikoetan eragin ditzakeen sinergiak suspertzeko”. Imazek, misio berri honen jardueraz arduratzeaz gainera, Petronorren lehendakari exekutibo izaten jarraituko du
Eguraldi ederraz eta jendetza ikaragarriaz ekin zaio –birritan ekin ere— Zierbenan Euskal Herriko 50. Txirrindulari Itzuliari, bertako Udalaren eta Petronorren laguntzaz.
Petronor da, Iberdrola, CAF, Sener eta ITPrekin batera, Euskal Autonomia Erkidegoko ekonomiaren trakzio-enpresarik handienetakoa, Belen Ferreras kazetariak gaur El Mundo egunkarian argitara emandako txostenean dioenez gero. Petronorrek 530 milioi euro ordaindu zizkion 2008an zergatan Bizkaiko Foru Ogasunari.
Apiriletik aurrera Petronor.com webgune honek hirugarren bloga eskainiko du. “Vida inteligente” izango da izenburuz eta Fidel Presak idatziko du. Eskarmentu handiko gizona, Fidel langile amorratua da eta denetariko idazmoldeak luze-zabal landu izan dituena. Zorionak eman nahi dizkiogu erronka honi heltzeagatik eta “zori” ona opa urratu beharreko bidean.
Somorrostroko Kirol Elkarteak nazioarteko partida jokatuko du gaur, asteartea, martxoak 30, Uruguaiko unibertsitate-txapelduna den Montevideoko Unibertsitate Katolikoaren Klubaren aurka.
“Fútbol base: En busca del futbolista de elite” izenburupean, datorren asteartean, hilak 30, ekingo zaio beste hitzaldi-sorta bati, oraingoan ere futbola tarteko, ByP Eventos Deportivos ajentziak antolatua eta Petronorren laguntzapean.
Repsolek, Petronorrek eta BBKk gaur arratsaldean elkarrekin sinatu duten hitzarmenaren arabera, Petronorren zeharreko bitartekotzaz Repsolek zuen CLHren (Compañía Logística de Hidrocarburos) %5 erosiko du BBKk. Salerosketaren kopurua 145 milioi eurokoa izango da eta Repsol Taldearen emaitza garbia, zergen zein gutxienekoen ostean, 107 milioi euro bestekoa.
