Udazkenetik aurrera Petronorrek indarrean jarriko du amaitzear duen kogenerazio-proiektua. Guztira 83,6 milioi euroren egitasmoa, 43,09 MW argindar ekoizteko. Muskizko findegiak 49,13 MW sortarazten ditu gaur egun. Azarotik aurrera, berriz, denera 92,22 MW. Hau da, Euskal Autonomia Erkidegoan sortzen den argindar guztiaren %3,8.
ALBISTEAK
Konbertsio-unitateak abian jarriko hilaren 22tik aurrera
Hurrengo egunetan alorrez alor hasiera emango zaie Kobertsio-unitateak –FCC, Husgune eta Visbreaking, esaterako– abian jartzeko ekinaldiei. Aldez aurretik, aipatu unitate bakoitzean FMU egitasmoarentzako mantenu eta revamping lanak amaitu behar izan dira.
Koke-ganberak behin betiko jartzen
Egunotan behin betiko jartzen ari dira Fueloila Murrizteko Unitatearen bi koke-ganberak. Atzo, ostegunez, bietako aurrena jarri zen eta bihar, larunbatez, bigarrena jarri ahal izango da eguraldiak eragozten ez baldin badu behintzat.
Industria Ministeritzak FMU egitasmoa babestu
Industria, Turismo eta Merkataritza Ministeritzak 6.629.401,00 euroren mailegua eman dio Petronorri, hamar urteko amortizazioaz, bost urteko gabeziaz eta %0eko interesaz, beti ere berrindustriatze-programaren baitango laguntzen arabera. Mailegu honek Fueloila Murrizteko Unitatearen egitasmoaren finantziazioa erraztuko du eta Petronorrek eragindako inbertsioen gaineko erakunde-babesa adierazten du, instalazioen etenbako inbertsioei zein lehiakortasun-hobekuntzari dagokienez.
Konbertsio-Unitateak indarrean jartzeko lehen ekinaldia
Planta 1.eko zuziaren zein ekoizpen-unitateen abian jartzea dela-eta, aurreko larunbatean, hilak 6, webgune beronetan aditzera eman zenez gero, gaurtik aurrera hasiera emango zaio Konbertsio-Unitateak indarrean jartzeko lehen ekinaldiari.
Haitirentzako 14.595 euroren laguntza
Petronorrek 14.595,00 euroren diru-laguntzaz parte hartuko du Haitiko berreraikuntza-lanetan. Kopuru horretatik, findegiko langileen artean bildutakoak 4.595,00 izan dira eta gainerako 10.000,00 euroak, berriz, enpresak berak jarriak.
Planta 1.eko unitatea eta zuzia abian
Petronorrek jakinerazi nahi du atzo, martxoak 5, abian jarri zela Planta 1.eko zuzia eta gaur, hilak 6, Planta bereko ekoizpen-unitateen zatikako abiatze-lanei ekingo zaiela. Aldi berean, Konbertsio Esparruko lurrun-ekoizpenerako galdara bat ere abian jarriko da.
Petronorrek 9 milio euro inbertitu energia eraginkortasunean
Energia Eraginkortasunaren Nazioarteko Eguna dela eta, Petronorrek jakinerazi nahi du arlo bereko egitasmoa duela abian, 9 milioi euroren inbertsioaz, urteko 20.000 tona erregai aurreztuz eta CO2 ixuriak 60.000 tona murriztuz. Hau da, 10 milioi zuhaitz landatuz gero lortuko litzatekeen besteko murrizketa, 50.000 futbol-zelaitan edota Bizkaiko lurralde osoaren %12an.
Petronor, Bizkaiko berebizikoena
Honela dio DATO ECONOMICO aldizkariak martxoko azken alean: “Petronor Bizkaiko enpresarik berebizikoena da”. Zortzi orrialdeko erreportajean zehar, aldizkari ekonomiko honek 1968an Petronor sortu zeneko garaia gogorazten du eta baita ondoko balantzea egin ere, Somorrostro eskualdearen mesedetan eta Bizkaiko zein Euskadiko ekonomiaren onetan jorratutako bidearen eta eragindako onuraren berri emanez.