ALBISTEAK

  “Ezkerraldea-Meatzaldea Parkea katalizatzaile eta lotura-puntu gisa arituko da, energiaren eta hidrogenoaren esparruan eragileak erakartzen laguntzeko”  adierazi du José Ignacio Zudaire Petronorren Giza, Antolaketa, Erakunde Harremanen, Ekonomia zein Finantza Sailaren zuzendari eta BH2C Hidrogenoaren Euskal Korridorearen presidenteak, Euskotek aldizkarirako egindako elkarrizketa batean.

Elías Unzueta Petronor Innovacioneko gerentea elkarrizketatu dute gaur Onda Vasca irratian. Bertan, nekazaritzako elikagaien industriatik lortutako hondakin begetalak erabiliz findegiak egindako Estatuko lehen biojet loteaz mintzatu da, eta erregai berriztagarriez ere hitz egin du, “deskarbonizazio helburuak lortzeko aukera ona, eta beharrezkoak”.

Juan Diego Edinorreko kontseilari delegatuak adierazi zuenez, “batzuetan inplikazio sakoneko eraldaketa-prozesuak modu sinplean jar daitezke abian”, eta horren adibidetzat jarri zuen bere enpresaren eskutik TEKak (Tokiko Energia Komunitateak) hedatzea. ‘Etorkizuneko Hiriak’ kongresuan egin zuen berba, Guggenheimen, tokiko eta nazioarteko gonbidatuen panel zabal batekin, eta ‘Karbonoan neutroak diren hirietarantz, eraginkortasun energetikoa eta mugikortasuna’ izeneko mahai-inguruan parte hartu zuen.