ALBISTEAK

Repsol, elektrizitate % 100 berriztagarria bermatzen duen Estatuko merkaturatzaile handi bakarra

Repsol da elektrizitate % 100 berriztagarria bermatzen duen Estatuko merkaturatzaile handi bakarra, hornitutako bezero-kopuruetan. Konpainiak ondoz ondoko bigarren urtez lortu du 2020an hornitutako elektrizitateak jatorriz ingurumenarekiko errespetuari eusten diola egiaztatzeko ziurtagiri gorena, A etiketa, Merkatuen eta Lehiaren Batzorde Nazionalaren (MLBN) arabera.
26 Api 2021
ALBISTEAK

Klima-aldaketaren aurkako borrokan aurrerapausoak ematen

Iraunkortasunaren alde hartutako konpromisoaren ildotik, Petronor kide duen Repsol taldea da 2050ean zero isurpen garbi lortzeko konpromisoa hartu duen lehenengo konpainia. Gainera, lanean jarraitzen du planetaren batez besteko tenperatura globalaren igoera 2 gradu zentigradutara mugatzeko asmoz, Parisko Goi-Bileraren helburuekin eta Nazio Batuen Garapen Iraunkorrerako Helburuekin bat eginez. Helburu horiek Muskizko findegiaren xede eta erronketan ere txertatuta daude, klima-aldaketaren aurkako borrokan. Ama Lurrak esku hartzeko eskatu digu, baina ez bakarrik gaur, Lurraren Nazioarteko Egunean, egun-egunero baizik.
22 Api 2021
ALBISTEAK

Eusko Legebiltzarrera iritsi da Hidrogenoaren Euskal Estrategia

Euskal Energia Erakundearen zuzendari nagusi Iñigo Ansolak atzo aurkeztu zizkien Eusko Legebiltzarreko ordezkari guztiei Eusko Jaurlaritzaren Hidrogenoaren Euskal Estrategian ezarritako lan-ildo nagusiak. Bektore honek eskaintzen dituen aukera energetikoak, ingurumen-arlokoak, eta industria- eta teknologia-garapenekoak aprobetxatzeko Euskadi lidergo-posizio batean kokatzeko oinarriak ezartzen dituen dokumentu bat, eta lagungarria izango dena Euskal Energia Estrategiaren energia-sistema eraldatzeko helburuak betetzeko.
21 Api 2021
ALBISTEAK

Somorrostro Prestakuntza Zentroak eta Edinor-ek eskoletako lehen energia komunitatea abiatu dute Euskadin

Somorrostro PZ-k eta Edinor-ek TEK Somorrostro aurkeztu dute gaur, Euskadin hezkuntza arloan sortzen den lehen Tokiko Energia Komunitatea, Zentroko teilatuan bertan sortuko den energia fotovoltaikoa jasotzeko autokontsumo partekatuko erreximenean 150 familia bilduko dituena. Ekimen honek efiziente eta iraunkorrago izatea ahalbidetuko die, euren herrian sortutako 0Km-ko energia kontsumituz eta bidesari eta kargu elektrikoak aurreztearen onuradun izanik. Nahi duten familiek TEK honen webgunean eman ahal dute izena (www.TEKSomorrostro.eus).
15 Api 2021
ALBISTEAK

Euskadiko 8 jatetxek Repsol Eguzkia jaso dute lehen aldiz

Osasun-segurtasuneko protokolo zorrotza betez, Repsol Gidak Eusko Jaurlaritzako Turismo, Merkataritza eta Kontsumo Sailarekin batera antolatu du ondoz ondoko hirugarren urtez, Donostiako Victoria Eugenia Antzokian egindako Repsol Gidaren Eguzkiak deritzen golardoan banatzeko ekitaldia. Aurten 96 jatetxeri eman diete saria, eta horietako 8 euskal jatetxeak dira: Aitor Arregiren Elkano (Gipuzkoa), Hiru Eguzki jaso dituena, eta Eguzki bana jaso duten Bizkaiko Garena, Aitor Rauleaga, Horma Ondo eta Ola Martin Berasategui, Arabako Kromatiko eta Gipuzkoako Amelia eta Hika jatetxeak. Gainera, Eneko Atxaren Azurmendik Eguzki Jasangarria deritzon sari berria jaso du.
13 Api 2021
ALBISTEAK

Repsolek energia kudeatzeko sistema adimendun bat jarriko du San Mamesen, eraginkortasuna hobetzeko

Repsolek energia kudeatzeko sistema adimenduna jarriko du San Mamesen. Energy Management System-ek (EMS) modu eraginkorrean kudeatzen du energia, klimatizazio-prozesuetan adimen artifizialeko algoritmoak eta optimizazio aurreratua aplikatuz, kontsumoa aurrezteko eta, aldi berean, CO2 isurketak murrizteko. Konpainia multienergetikoaren beste ekimen bat da karbono-neutraltasunaren aldeko apustuan, eta helburu hori 2050ean betetzea ezarri da.
12 Api 2021
ALBISTEAK

Gipuzkoako Foru Aldundiak eta Edinorrek Larrauleko TEK aurkeztu dute

José Ignacio Asensio Gipuzkoako Foru Aldundiko Ingurumeneko eta Obra Hidraulikoetako diputatuak, Maite Arana Larraulgo alkatesak eta Juan Diego Edinorreko kontseilariak Larraulgo TEK (Tokiko Energia Komunitatea – Comunidad Energética Local) proiektua aurkeztu dute gaur goizean. Energia berriztagarriak eta autokontsumoa sustatzeko komunitate hau Larraulgo frontoiko estalkian egingo da. Udalak utziko du frontoia, Larraulgo familiek energia elektrikoa sortzeko eta kontsumitzeko eredu jasangarria eskura dezaten.
09 Api 2021
ALBISTEAK