Fuel Oila Murrizteko Unitatearen eraikuntzak –sekula izan den euskal inbertsio industrialik handienak– aurrera darrai. Hamar hilabete joan dira dagoeneko obrak martxoan hasi zirenetik hona eta egitasmo osoaren %20 burutu samarra dago jadanik. Aurrekontu guztia 825 milioi euro da, honez gero 750 milioi besteko kontratazioak egin dira, eta orain arte jasotako materialak 400 bezainbatekoak dira. Aurtengo urtea amaitu orduko, berriz, egindako ordainak 300 milioi inguru izango dira.
Petronorrek adierazi nahi du gaur, abenduak 29, hainbat lan programaturi ekin zaiola hirugarren Plantako argizuzian, erreketa hobetzeko lurrun-hodian zehar.
Gaur hasi eta abenduaren 31rarte, Abanto-Zierbena, Muskiz eta Zierbena udalerrietako internautek Muskizko Urrizti gazta baten zozketan parte hartu ahal izango dute. Horretarako ez dute info@petronor.com helbidera emaila bidali baino, euren izen-abizenak eta helbidea adieraziz.
Josu Jon Imaz eta Víctor Pérez de Gezuraga arduradunek gaur aurkeztu dute Petronorrek 2010 urterako argitara emandako egutegia. Hamabi orrialdetan beste hainbat elkarteren argazkiak biltzen dira, alegia: Athletic, Juventud Deportiva Somorrostro, Moto Club Iban López, Zierbenako Berdantza Abesbatza, Katxetekako Bolu Elkartea, Muskizko Emakume Elkartea, Barbadun Pelotazale Elkartea, Las Carrerasko Jubilatuen Elkartea, Muñatones Zortzikotea eta Josu Feijoo mendigoizale diabetikoa.
Aste honetan hiru ikasle-taldek bisitatu dute Findegiaren hainbat instalazio: Asmoz Fundazioak, Igorreko Arratia BHIk eta UPV-EHUren Zientzia eta Teknologia Fakultateak, hain zuzen ere.
Jose Manuel Setien, 1983ko abuztutik hona 1. eta 2. Findegietako bertako operatzaile, bere segurtasunaz zein ingurukoaz erabat arduratzen den gizona dugu, ez daroa-eta alferrik 26 urteko lan profesionala ezelango bape istripurik gabe. Errekord hau aitortu zaio gaur Gabonetako Kopa dela eta eratu den bileran. Setien Kaiku treineruko arraunlaria izana da eta, oraindik ere, hainbat kirol-motatan aritu ohi ena. Seguro gero gorputzaldi onean jarraitu ahal izateak dezente lagundu izan diola. Zorionak.
Aurreko astean hiru ikasle-taldek bisitatu zuten Findegiaren hainbat instalazio: Bilboko Ingeniaritza Goi Eskola Teknikoak, UPV-EHUko MBA Global Masterrak eta Zaragozako Unibertsitateko Kimika Fakultateak, hain zuzen ere.
Gaurdanik, abenduak 9 eta asteazkena, datorren ostiralerarte, hilak 11, Eusko Jaurlaritzaren Ingurumen Saila Ingurumen Baimen Bateratu (IBB) baldintzatuaren balioa egiaztatzeko ikuskaritza-plana burutzen arituko da Petronorren Findegiaren barrena.
Petronorren Findegiaren kanpo-instalazioek 20.000 argi-gune dituzte gutxi gora behera. Hau da joan zen urtarrilean webgune hau jendaurrean jarri zenetik hona internautek sarrien egin duten galderari dagokion erantzuna. Gehientsuenek bonbilok egoera-argiak baino ez direla uste izan arren eta, guztiak berdin samarrak gainera, errealitatea erabat bestelakoa da.
