Petronor

Petronorreko presidente Emiliano López Atxurrak Campalans Fundazioak ‘Lankidetza publiko-pribatua: Interes orokorra eta eraginkortasuna’ izenburupean antolatutako eztabaida online-an ekin zion atzo, eta Espainian “efizientzia administratibo handiagoa” lantzearen alde agertu zen. Bere hitzetan, “arau-marko berriek” erraztu egingo lukete “beharrezko lankidetza publiko-pribatua”.

“Trantsizio energetikoak eredu energetiko deszentralizatuagoa dakar, digitalizatua, kontsumitzaileari ahalmen handiagoa ematen diona”,  esan du gaur José Ignacio Zudairek, Bilboko Ganbarako Ingurumen eta Iraunkortasuneko Batzordeko presidenteak. “Kontsumitzailearentzako aukerak Trantsizio Energetikoko agertoki berrian” jardunaldiko eztabaidaren sarreran egin ditu adierazpenok, Ganbaran bertan zenbait proposamen publiko zein pribatu bildu dituen horretan.

Emiliano López Atxurrak gaur goizean Euskadi Irratian egin dioten elkarrizketa batean adierazi duenez, Petronorrek duen hidrogenoaren proiektua “52 enpresarekin lotuta dago eta ETEak (Enpresa Txiki eta Ertainak) barruan daude”.  Bere aburuz, azken hauei “asko lagundu behar zaie klabeak direlako industriaren eta teknologiaren katean eta horiek gabe ez delako mundu industrialik existitzen”.  Hala, Petronorreko presidenteak bertoko “ETEen sare sendo bat osatzea”  defendatu du  “horien kapitalizazio teknologikoa eta finantzieroa lortze aldera”.