Repsol

Repsol Fundazioak “Energia kontzientziaz” hezkuntza-programaren edizio berria deitu du, Bigarren Hezkuntzako 3. eta 4. mailetako ikasleei energia-baliabideen erabilera eraginkorragoa egiten irakasteko asmoz.

Petronorren 50. urteurreneko ospakizunen barruan, Repsolen hegaldi akrobatikoko taldeak erakustaldia eskainiko du ostiralean, uztailak 13, Zierbenako La Arena hondartzan, 18.00etatik 20.00etara bitartean. Hamarkadatik gorako esperientzia dutela, pilotuek aire-ikuskizun aparta eskainiko dute bi hegazkin txikiren laguntzaz, bertaratutakoak zur eta lur utziko dituzten hegaldi zirraragarriak osatuz.

Repsol Fundazioak eta Petronorrek Lanbide Heziketako ikasleei zuzendutako beken deialdi berria abiarazi dute. 2018-2019 ikasturtean, 20 laguntza banatuko dira guztira Abanto-Zierbena, Muskiz eta Zierbenako LHko ikasleen artean. Interesatuta daudenek eskaera egin dezakete becasfp.fundacionrepsol.com webgunean.

Juan Antonio Carrillo de Albornoz Repsolen fintze arloko Eragiketen zuzendari berri bezala aurkeztu dute gaur Petronorren. Aurkezpena Paco Vázquez Finketaren zuzendari exekutiboak egin du, honexen menpe baitago Talde osoko Eragiketen zuzendaritza.

Graphenea, paperaren gainean zirriborratutako ideia bat besterik ez zena, grafenoaren ikerketa eta ekoizpenaren arloko munduko erreferentzia nagusietakoa bihurtu da zortzi urte eskasetan. Aukera handi-handiak eskaintzen dituen material berri honen inguruko abenturak zerikusi handia du Repsolekin, izan ere, ‘startup’ hutsa zen garaian, proiektu horretan inbertitzea erabaki zuen Corporate Venturing-en bitartez.

“Pedro Axular euskal idazlerik klasikoenak esan zuen orain dela laurehun urte: Ogirik ez dakusat biltzen, hazirik erein gaberik. Hau da, ez dagoela garirik biltzerik, aurretik hazia erein gabe. Beste hainbeste esan dezakegu Petronorren gainean: ez genuen sekula oraingo fruiturik jasoko, orain berrogeita hamar urte norbaitek hazia erein izan ez balu.“

Antonio Brufau Repsolen presidentea eta Eduardo Junkera Cidetecen presidentea Petronorren bildu dira gaur, bi erakundeek mugikortasun elektrikoaren egungo mugapenak murrizten edo deuseztatzen lagun dezaketen teknologiak garatzeko sinatua duten lankidetza-akordioaren jarraipena egiteko asmoz. Berariazko energia eta dentsitate egokia lortzea da lanaren helburua, antzeko pisua eta neurriak dituen bateria batekin autonomia handiagoa izateko.