Ronald de Kok izango da Espainiako eta Portugaleko hurrengo zuzendaria Lloyd´s Register Quality Assurance talde barruan, orain arte zuzendaritza lanetan aritu izan den José Luis Lampreave nagusiaren ordezkari gisa. Lampreabe jaunaren ardurapean Petronorrek bideratu izan ditu azken urtoetan zenbait kudeaketa-sistemaren garapen, ezarpen eta mantenu-urratsak,
Petronorrek adierazi nahi du gasoilak sulfuroz arazteko G4 unitatea indarrean jartzeari ekin berri zaiola, aldez aurretik araututako mantenu-jarduera burutu ostea, urtarrilaren 13an adierazi zenez gero.
Josu Madariaga Bizkaiko Foru Aldundiaren Ingurumen Diputatua atzo izan zen Petronorren Findegian, ingurumenaren zein energia-eraginkortasunaren aldetik erabat nabarmenak diren inbertsioak zertan diren bertatik bertara ikusi ahal izateko. Besteak beste, Fueloila Murrizteko Unitatea (FMU) eta Kogenerazio Sistema, 835 milioi euroren aurrekontuaz oro har. Diputatuarekin batera bertan izan ziren Maria Uribe, Ingurumen zuzendaria, eta Xabier Arana, sail bereko teknikaria.
Petronor aurrenengo aldiz heldu da orduko 100.000 kW argindar sortzera. Kopuru honetatik erdi inguru Findegiaren beraren barne-kontsumorako erabiliko da oraingoz eta beste erdia Argindar Sare nagusiari luzatuko zaio, herritarren kontsumorako.
Jonathan Lastrak hamazazpigarren amaitu zuen aurreko asteburuan Alemaniako Santk Wendelen eratutako Munduko Ziklo-cross junior Txapelketan. Espainiako 2010 junior txapeldunorde dugun Muskizko txirrindulari honek eskertu nahi izan ditu “beti nerekin egoteaz gainera egunez egun laguntzen nauten guztiak”.
Repsol Fundazioak eta Petronorrek elkarrekin aurkeztu dute gaur, Abanto-Zierbenan, Movilab izeneko laborategi ibiltaria, zientzia eta berrikuntza sustatzeko zein zientzia- eta teknika-ikasketak eragiteko.
Edurne Pasaban mendigoizaleak jaso zuen atzo, Muskizko Meatzari Aretoan, 2010eko kirolaririk onenari dagokion garaikurra, ez baita berau alferrik lurreko hamalau gailurrik altuenetara igo den lehen emakumea. Alpinista tolosarra izan da elcorreo.com irakurleen artean botorik gehien jaso duen euskal kirolaria.
Juana Ruiz eta Garbiñe Urdanpilleta diseinugileek zuzentzen duten Erandioko JOTA+GE enpresak irabazi du azken 15 urteotan Somorrostro Irakasguneak eratu ohi duen Marcelo Gangoiti Saria, Spri, Bizkaiko Foru Aldundia eta Cebeken laguntzaz.
Jon Santacanak urrezko domina lortu du gaur, Migel Galindo gidariarekin batera, Sestrieren (Italian) eratzen ari den Minusbaliatuen Munduko Txapelketako Alpetar Eskiko super-erraldoi arloan. Aurretik jaitsiera-moldean zilarra lortua zuen donostiarrak sekulako marka erdietsi du, 1:19,20, Kanadako Chris Williamson eta Nicolas Berejny frantsesaren aurretik.
