“Athletic-aren historiari gure erakarpentxoa eskaini nahi diogu. Aurten Athletic-ak momentu pozgarriak zein latzak biziarazi dizkigu eta gure laguntza-egitasmoa beti izan du bere aldamenean. Zer gerta ere honako denboraldi honetan, zernahi direlarik bere kirol-emaitzak, Petronor beti egongo da Athletic-ek behar gaituen lekuan” aditzera eman du Josu Jon Imaz, Petronorren Presidenteak Athletic-en “mila kamisetak” deritzan spotaren aurkezpena dela eta.
Bilboko Arriaga antzokian “El retablo de Maese Pedro” operaren ekitaldia izango dela eta, Petronorrek hainbat sarrera eskaini die Muskiz, Abanto-Zierbena eta Zierbenako ikastetxeei bertako ikasleek ikusteko aukera izan dezaten. Antzezlana martxoaren 29an izango da, igandez, arratsaldeko 7etan.
Repsolek eta Bizkaiko Gurutze Gorriak atzo sinatu zuten elkarrekin 2009rako ituna. Hitzarmen honen arabera petrolio-enpresak 54.000 litro erregai eskainiko dizkio Gurutze Gorriari itsas-salbamentutan zein bestelako segurtasun-zerbitzutan erabili ditzan.
Bihar San Mameseko Katedrala gainezka beteko duten 40.000 zaleek ustekabeko opari bana aurkituko dute euren jesarlekuetan, Athletic-en elastikoaren antzeko girotzailea (12×12 zm) autoan jartzeko eta mezu ezin adierazkorragoaz: “Zure autoak tigre usaina badu, erabili lehoien girotzailea”.
Somorrostroko Lanbide Hezkuntza Ikastetxearen D.B.H-ko 4.B eta C mailako ikasle taldeak gaur bisitatu ditu Petronorren Findegia zein Athletic-en instalazioak Lezaman. Goizeko lehen orduan gazteek hainbat azalpen labur jaso dute findegi-prozeduraz eta ondoren Lezamarantza abiatu dira.
“Beste behin frogatu ahal izan da badirela zenbait balore lehiakor hutsak baino askoz ere garrantzitsuagoak direnak. Honen guztiaren atzekaldean harrobi-politika nabarmena dago, langintza isila, luzera guztiz baliagarria dena” aditzera eman du Victor M. Perez de Gezuraga, Petronor Findegiaren zuzendariak, Athletic-ek Koparen finala jokatuko duela eta idatzi berri duen iritzi artikuluan.
Joan zen igandetik aurrera eta bertan irauteko asmoz, jendeaurrean azaltzen daMuskizko Kultura Etxean 27 argazkiren bilduma, non industria iraultzarekin batera hasi eta orain arteko ikuspegiak eskaintzen diren.
Petronorren webgunea izango da El Correo Digital-ek zazpigarren urtez antolatu duen Enpresa Webgunerik onenari dagokion saria irabazi dezaketen hiru enpresetarikoa. Sari irabazi ahal izateko kontuan hartuko diren irizpideak izango dira, besteak beste, nabigagarritasuna, sektore onura, bezero mota, multimedia baliabideak, interaktibitatea eta on-line zerbitzuak.
“Lider izateko lehen baldintza konpromisoa eta arriskua hartzea da” adierazi du Josu Jon Imazek gaur Bartzelonan, Enpresen Administrazio eta Zuzendaritza Goi Eskolan eman duen hitzaldiaren esparruan. Petronorreko Presidentearen arabera, “lider izateko etorkizunean pentsatu behar da, hura goresten duen margo bat margotzeko gai izatea. Amets egiteko arriskua hartu, unean finkatutako errealitatea gainditzen duen agertokia marraztera ausartzea, lan egitea merezi duela pentsarazten duena.”
