ALBISTEAK

Kutxabank Petronorren akziodunak tokian tokiko enpresen artean egin dituen erosketak gehitu ditu eta 2020ko lehen hilabeteotan %20 igo dira erosketok, 674 euskal hornitzaileren artean 52 milioi euro banatuz. Ekitaldi honetan berebiziko aldaketa izan dute inguruko pertsonen, enpresen eta erakundeen bizitza baldintzek. Testuinguru horretan euskal ekonomian duen pisua indartzea aurreikusten du Kutxabankek, finantza taldea lurraldean balore ekonomiko eta soziala sortzen duten enpresa nagusien artean kokatzen den aldetik.

2019ko ekitaldiko zergen ondorengo Petronorren emaitza +143 milioi eurokoa izan zen. Mantentze-lanetarako bi etenaldi egin ziren tarte horretan, 129,8 miloiko guztizko inbertsio bolumenarekin eta horietako 64 milioi itsas-erregaietan sufre-kontzentrazio txikiagoa eskatzen duen araudi berrira egokitzera zuzendu ziren.

ABAOren (Operaren Lagunen Bilboko Elkartea, Petronor lankide duena) #ABAOenCasa agertoki birtualaren ekimenak, 36 jarduerak osatuta elkarteak bere webgunean iragan apirilaren 12an abiarazitakoak, babes itzela lortu du jendearen aldetik. Gizarteari laguntzea zuen helburu konfinamenduaren egoera ezohikoa jasateko eta kultura bezalako ondare funtsezkoa sustatzeko. ABAOren webgunera egindako bisitak boskoiztu egin dira denboraldian zehar orrialdeak izaten duen trafikoarekin konparatuta.

Bilboko Arte Ederren Museoak, bere jardueretan Petronor lankide duenak, datorren astelehen ekainaren 1ean zabalduko ditu berriz bere ateak Covid-19ak eragindako osasun krisiaren osteko etenaldia eta gero. Astelehenetik igandera egongo da irekita, 11:00etatik 14:00etara eta 16:00etatik 19:00etara ekainean eta 11:00etatik 19:00etara uztailean eta abuztuan. Ordutegi hauetan aldaketak egon daitezke, eta behar besteko aurrerapenarekin iragarriko dira.

Petronor eta Tecnaliaren presidente Emiliano López Atxurraren irudiko, politika energetikoa “berezkoa da giza garapenerako, bere iraunkortasunerako eta bere ongizaterako” eta ”trantsizio energetikoaren betebeharra politika industriala eta lehiakortasunaren politika orekatzea” da. Hala adierazten du Cuadernos de Energía aldizkarian ‘Trantsizio energetikoa: Aukera bat sendotasun industrial iraunkor baterako’ izenburupean argitara emandako artikuluan.

Donostia Zinemaldiak datorren astelehen ekainaren 1ean itxiko du Startup Challenge egitasmoaren bigarren deialdirako epea. Honakoa ikus-entzunezkoetako proiektu teknologikoen gaineko lehiaketa da. Zinemaldia&Technology ekimenaren hirugarren edizioaren barruan egingo den lehiaketa Zinemaldiaren apustu estrategikoetako bat da, teknologiari eta ikus-entzunezkoen industriari buruzko gogoetarako erreferentzia-gune izatea du-eta helburu.

Repsoleko presidente Antoni Brufauk eta konpainiaren kontseilari delegatu Josu Jon Imazek ‘Espainia berrindustrializatzeko ideiak’ deritzan iritzi artikulua plazaratzen dute gaur El País egunkarian. Covid-19ak eragindako krisiaren ondoriozko momentu kritikoan, industriaren garrantzia nabarmentzen dute etorkizuneko susperraldi ekonomikoari begira. Hala, diotenez “azken krisi finantzarioaren esperientziak gizarte industrialek enplegua mantentzeko duten sendotasun handiagoa islatu zuen”.

Petronor Innovación-eko gerente Elías Unzuetak webinarra eskaini du maiatzaren 12an ‘STEAM lanbideetarako karrera aukerak ekonomia zirkularraren baitan’ izenburupean Bizkaiko Industria Ingeniarien Elkargo Ofizialaren ziklo batean.