ALBISTEAK

Miguel Ángel Gómez Viar Bizkaiko Garraio eta Mugikortasun Iraunkorreko foru diputatuak eta Vidal Martinez Bartolomé Garraio zuzendariak Petronor bisitatu dute gaur goizean. Haiekin izan dira Jose Ignacio Zudaire Petronorreko Erakunde Harremanetako zuzendaria, eta Petronor Innovacioneko Manu Nuñez, Elias Unzueta eta Arturo Fernandez.

“Hidrogenoa XX. mendeaz geroztik erabiltzen den produktua da, baina ez du merkatu komertzialik, in situ kontsumitzen da. Erronka hidrogenoaren elektrolisi bidezko ekoizpenari heldu eta energia berriztagarrien sistemetan txertatzea da. Erronkarik garrantzitsuena ekoizpena, garraioa, biltegiratzea eta logistika kontuan hartuko dituen merkatua sortzea da”, azaldu du Elias Unzueta Petronor Innovación-en kudeatzaile eta Energia Klusterraren barruko Hidrogenoaren Foro Sektorialaren koordinatzaileak, Crónica Vascak Denis Itxaso Espainiako Gobernuak Euskadin duen ordezkariarekin euskal ekonomiaren etorkizunaren gakoak eta Europako Funtsek irekitako agertokia aztertzeko antolatu duen jardunaldian.