Zierbena izango da Euskal Herriko 50. Itzuliaren lehen etaparen irteera eta helmuga (Zierbena-Zierbena) eta bigarren etaparen (Zierbena-Biana) irteera, apirilaren 5ean eta 6an, hurrenez hurren. Udalaren ekimen honek Petronorren babes berezia du.
Azken 15 hilabeteotan 85.845 bisitari izan ditu Petronorren webgune honek. Neurri bereko webguneen batez besteko audientziaren aldean, Petronorrek %38,59 bisitari gehiago izan dugu eta petrolio eta gas-sektorearen aldean, ostera, %47,80 gehiago.
Simone Moro alpinista italiarra gaur, ostirala, mintzatuko da Muskizko Mello Mendi Klubak eratutako V. Mendi Jardunaldietan.
Petronorrek jendaurreko informaziorako Muskizen irekia duen Petronor.info bulegoak 191 galderari erantzun ahal izan dio urtarrilean zehar. Horrez gainera, hilabete honetan nabarmen gehitu dira Internetez baliatzeko zerbitzuak eta baita gaztetxoentzako jarritako jokoen erabilpena ere. Aldi berean, herritar ugari bertaratu dira Petronorren egutegiaren eske eta Athletic-en hainbat artikulu eta ekipamendu bila.
Petronorren laguntzaz eratu ohi den Nueva Economía Foroan Migel Lazpiurrek aditzera eman duenez, “behar bada krisiaren aldirik txarrena iragan da”, bai nazioartean eta baita euskal ekonomiari dagokionez ere. Hala ere, haren ustez barrena jotzeak ez omen du “esangura krisialdia amaitu denik” eta, ondorioz, lanposturik sortuko denik. Zentzu beronetan erantsi duenez gero, lanpostuak nabarmen samar hazi arte nekez hitzegin ahal izango da “egiazko hazkuntzaz”.
Gaur astelehena, hilak 15, goizeko seitan hasi eta bihar asteartea, hilak 18, goizeko seiak arte, hogeitalau orduko lanuztea gertatzen ari da Findegian, Petronorreko Enpresa Batzordeak egindako deiaren arabera. Dei hau joan zen larunbatean, hilak 13, lan-istripuz hil zen J.R. RAM S.A. enpresako langilearen omenez eta doluminez egin da eta haren senideen eta lankideen elkartasunez.
Gaur, arratsaldeko 16:10ean, Konbertsio inguruan istripua gertatu da, RAM S.A. enpresaren pertsona bati eragin diona, hainbat urtetatik behingo mantenuari dagokion geldialdia dela-eta jario-lanetan ziharduela.
Manu Tejada Abanto-Zierbenako alkateak, Josune Ariztondo Kultura foru-diputatuak eta Josu Jon Imaz Petronorren lehendakariak elkarrekin inauguratu dute, gaur, Las Carreras-eko kultura eta gizarte saiotarako egoitza berria. Bertan sustatu ahal izango dira herri-elkarteen ekintzak, jendaurreko ekitaldiak, topaketak, hitzaldiak eta beste hainbat zerbitzu.
Planta-1 delakoaren Unitateen geldialdia dela-eta atzo argitara emandako agiriaren ondotik, Petronorrek adierazi nahi du Zuzia1 delakoaren geldialdiari ekingo zaiola mantenu-lanak egin ahal izateko. Aldez aurretik Zuzia2 izenekoa abian jarriko da.
