Petronor

“Trantsizio energetikoa apurka-apurka irabazi beharreko maratoia da. Hipokrisiaz beteriko ingurune konplexuan sartuta gaude, eta zertan lan egiten ari garen birdefinitu behar dugu, deskarbonizazio-estrategia batean alegia. Deskarbonizazioaren eragile nagusiak gara”, adierazi zuen atzo Emiliano López Atxurra Petronorreko presidenteak San Mamesen, enpresa multienergetikoaren Urteko Jardunaldira bertaratutako 250 pertsonen aurrean.

Petronor San Mames estadioan Urteko Jardunaldia izaten ari da gaur. Konpainiaren egungo egoera eta aurre egin beharreko etorkizuneko erronkak aztertzeko topaketa, mugarri berrien protagonista izaten eta bikaintasunaren bidea urratzen jarraitzeko. Enpresa multienergetikoko sailetako 250 pertsona inguru bildu dira jardunaldi honetan.

Alain Rousset, Nouvelle Aquitaineko presidentea, eta Mathieu Bergé, Baionako Portuko presidentea, Petronorren izan dira gaur, eta Jose Luque, Petronorreko kontseilari delegatua, eta Jose Ignacio Zudaire, Hidrogenoaren Euskal Korridoreko presidentea, haiekin izan dira.

Alemaniaren Espainiarako Merkataritza Ganberak bildutako 40 enpresetako 70 zuzendari, teknikari eta arduradun baino gehiagok Petronor bisitatu dute, Abanto, Muskiz eta Zierbenako energia-konpainiaren eraldaketa-prozesua bertatik bertara ezagutzeko.

Aida Bricio Petronorreko Kalitate eta Ingurumen arduradunak ‘Basque Circular Summit’ ekitaldian parte hartu zuen atzo, Irungo FICOBAn, Ihobe sozietate publikoaren eskutik antolatutakoan, eta bertan Konpainiak deskarbonizazioaren eta zirkulartasunaren arloan abian jarritako ekimenak aurkeztu zituen. Horien artean, nabarmentzekoak dira 2,5, 10 eta 100 MW-ko elektrolizagailuen bidez hidrogeno berriztagarria ekoizten dutenak edo hidrogeno berriztagarritik eta harrapatutako CO2tik erregai sintetikoak sortzen dituztenak. Nabarmendu zuenez, guztiek Petronor Hidrogenoaren Euskal Korridorearen barruan “lider industrial” gisa kokatuko dute.

Japoniako Enbaxadako ordezkaritza batek, Yoji Kitamura Ekonomia sailburua buru, Petronor bisitatu du gaur, konpainia multienergetikoaren eraldaketa prozesua ezagutzeko

Petronor Innovación-eko zuzendari Manu Núñezek eta konpainiako Digitalizazio arduradun Itziar Landak LibreCON kongresuan parte hartu zuten atzo, Bilbon. Bertan zibersegurtasuna, konputazio kuantikoa, berrikuntza irekia, metabersoa, eraldaketa digitala, Adimen Artifiziala edo 5.0 industria izan ziren hizpide, besteak beste. Núñez-ek ‘El espacio como un agente del cambio’ mahai-inguruan hitz egin zuen eta Landak konputazio kuantikoari buruzko mahai-inguru bat koordinatu zuen.