Petronor

Kutxabank-eko presidenteak, Anton Arriolak, eta bertako kontseilari delegatu Javier García Lurueñak Petronorren instalazioak bisitatu dituzte findegiaren ekoizpen-prozesua bertatik bertara ezagutzeko; baita, karbonoa kentzeko bektore gisa, energia-iraunkortasunaren eta hidrogenoaren aldeko apustuaren berri izateko ere. Emiliano López Atxurrak, Petronorreko presidenteak; José Gregorio Luquek, konpainiako kontseilari delegatuak; eta José Ignacio Zudairek, CEOaren albokoak, egin diete harrera.

“Europaren egituraketa fisikoa ez da nahikoa. Baliabide guztiak integratu eta egitura teknologikoa eta industriala indartu behar du”. Halaxe adierazi du Emiliano Lopez Atxurra Petronorreko presidenteak Nafarroako Unibertsitateko Filosofia, Politika eta Ekonomia Graduko ikasleen aurrean.

Jose Ignacio Zudaire Petronorreko CEOaren ondoko eta Hidrogenoaren Euskal Korridoreko presidenteak  “alde politikoari deskarbonizazio-helburuak zehazteko eta horietara heltzeko teknologia ezberdinak garatzeko eskatu”  dio, Europa Pressek Euskalduna Jauregian antolatutako ‘Euskadi etorkizunerantz’ jardunaldiaren barruan, Euskal Herriko etorkizuneko gakoak Industria, Teknologia, Finantza, Energia eta Hezkuntza bere sektore indartsuenen bitartez ezartzeko asmoa izan duena.

Ainhoa Rivera Azcoitia Petronorreko Zuzendaritza Batzordean sartu zen atzo, Pertsonen eta Antolaketa Arloko zuzendari gisa, eta orain arte José Ignacio Zudairek betetzen zituen funtzioak eta erantzukizunak bere egin ditu. Azken hau kontseilari delegatuaren albokoa izango da.

Aitor Arzuaga Alba-Petronorreko zuzendari nagusiak Workinlan Summiteko mahai-inguru batean parte hartu zuen atzo, Bilboko Euskalduna Jauregian, Petronor babesle izanda. Foro horretan azpimarratu zuen “trantsizio energetikoa prozesu mailakatua izango”  dela: “erregaien ekoizpenak etorkizunean jarraituko du, baina haren eragina eta karbono-aztarna hobetuko dira, erabat neutroak izatera iritsi eta petrolioaren mende ez egotera arte, aireko edo itsasoko garraioa bezalako sektoreak deskarbonizatzeko”.