ALBISTEAK

Arturo Fernández Petronorren filiala den ALBAko Hidrogeno Proiektuen Garapeneko arduradunak, Energiaren Klusterreko ordezkariekin batera, Fukushimako prefekturako Gobernuak antolatutako REIF (Renewable Energy Industrial Fair) azokan parte hartu du. Bertan, Hidrogenoaren Euskal Korridorea (BH2C) aurkeztu du, H2 erabiliz deskarbonizazioaren erronkari aurre egiteko aukera gisa.

Manu Núñez, Petronor Innovación-eko zuzendaria, SPRI Taldeko, Energia Klusterreko eta Tecnaliako ordezkariekin batera, Houstonen da aste honetan, Net Zero Basque Industrial Super Clusterra ordezkatzeko World Economic Forumek eta Electric Power Research Institutek antolatutako ‘Deskarbonizaziorako itun teknologikoei’ buruzko ekitaldian.

Ricardo Alfonsin Argentinako enbaxadoreak Bilboko Ganbera bisitatu zuen atzo, eta berarekin izan ziren José Ángel Corres presidentea, Iñigo Ansola EEEko zuzendari nagusia eta José Ignacio Zudaire Hidrogenoaren Euskal Korridoreko presidentea.

Japoniako Nagoya industria eskualdeko ordezkaritza bat José Ignacio Zudaire Hidrogenoaren Euskal Korridoreko (BH2C) presidentearekin bildu da gaur goizean, Euskadin hidrogenoaren garapenarekin lotutako planak eta, zehazkiago, 70 enpresa inguru biltzen dituen elkarteak aurreikusitako proiektuak bertatik bertara ezagutzeko.