Petronorren Findegiaren kanpo-instalazioek 20.000 argi-gune dituzte gutxi gora behera. Hau da joan zen urtarrilean webgune hau jendaurrean jarri zenetik hona internautek sarrien egin duten galderari dagokion erantzuna. Gehientsuenek bonbilok egoera-argiak baino ez direla uste izan arren eta, guztiak berdin samarrak gainera, errealitatea erabat bestelakoa da.
Findegia
Tartanga B.H.I.ko ikasleak bisitari
Erandioko Tartanga B.H.I.ko ikasle-taldeak bisitatu dute gaur Findegiaren hainbat instalazio. Ikasleek findegi-prozedura konplexua bertatik bertara ezagutzeko aukera izan dute. Beharreko azalpenak Angel Gil Kanpo Harremanetako teknikariak eman dizkie.
Eusko Jaurlaritzak simulazioa egingo du azaroaren 30ean, 12:00tan
Eusko Jaurlaritzaren Larrialdiei Aurre Egiteko eta Babes Zibileko Zuzendaritzak jakinerazi du, azaroaren 30ean, eguerdiko 12:00tan gutxi gora behera, Muskizko udalerrian jarrita dauden istripuak iragartzeko alerta-sirenak aktibatuko direla, inoiz izan daitezkeen isuri hipotetikoen aurrean gertu egon ahal izateko. Saio hau Seveso araudia dela eta, kanpora isuriak bota ditzaketen industrien segurtasunaren inguruan noizik behin egin ohi diren aldizkako simulazioetako bat izango da.
Getxo eta Santanderreko ikasleak bisitari
Getxoko Julio Caro Baroja B.H.I.ko ikasleek eta Santanderreko La Salle Ikastetxeko ikasle-taldeak bisitatu dute aste honetan Findegiaren hainbat instalazio.
Petronorren Lanbide Heziketa bekak, Abanton
Manu Tejada alkatea bertan zela, Josu Jon Imaz lehendakariak eta Víctor Pérez de Gezuraga zuzendari nagusiak elkarrekin zabaldu dituzte gaur, Abanto-Zierbenako Udal Areto Nagusian eta bertako 36 gazteren artean, Lanbide Heziketa ikasketak egiteko Petronorren bekak.
Petronor, ingurumen-erronkari erantzuten dion enpresa
“Petronorren betekizuna gizarteak behar dituen erregaiak ekoiztea da. Guztia bertako ongizatea eta garapena segurtatu ahal izateko eta ingurumen-baldintzarik zorrotzenak gogoan hartuz” adierazi du Fran Fernandez Findegiaren azpizuzendari teknikoak, Euskaliten eta Innobasqueren eraginez Kalitate Astean zehar eratu berri den Ejemplos prácticos de sostenibilidad y responsabilidad social empresarial mahai-inguruan barrena.
Asti Leku Ikastolako ikasleak bisitari
Portugaleteko Asti Leku Ikastolako ikasle-taldeak bisitatu dute gaur Findegiaren hainbat instalazio. Ikasleek findegi-prozedura konplexua bertatik bertara ezagutzeko aukera izan dute. Beharreko azalpenak Angel Gil Kanpo Harremanetako teknikariak eman dizkie.
Segurtasuna, indarrean dagoen legeria bete beharra baino haratago
“El papel de Petronor al subcontratar” da Fernando Alonso Petronorren Ingenieritza-Mantenu zuzendariak Bilboko Euskalduna jauregian azaldutako txostenaren izenburua, Arriskuen ebaluazioa deritzan jardunaldietako hitzaldi-zerrendaren barruan. Bere mintzaldiak bi alor landu ditu batez beste. Batetik, Petronorrek duen konpromisoa bere eraginpeko PYMEetan segurtasun-kultura eta kudeaketa areagotzeko eta, bestetik, enpresa handiek duten ahalmena subkontratatzen dituzten enpresetan segurtasuna indarrean dagoen legeria baina haratago gogoan hartua izan dadin.
Mungia B.H.I.ko ikasleak bisitari
Mungia B.H.I.ko ikasle-taldeak bisitatu zuten atzo Findegiaren hainbat instalazio. Ikasleek findegi-prozedura konplexua bertatik bertara ezagutzeko aukera izan zuten. Beharreko azalpenak Angel Gil Kanpo Harremanetako teknikariak eman zizkien.